Łukašenka daść intervju Sałaŭjovu
Pra heta skazała jahonaja pres-sakratarka Natalla Ejsmant u intervju viadučaj prahramy «Paśpieć da paŭnočy» Maryi Piatraška na telekanale «Biełaruś-1».
28.12.2021 / 22:38
«Chaču skazać, što my ciapier metanakiravana ruchajemsia pa hetym šlachu. Pa našym płanie, kali ŭsio budzie narmalna, naš infarmacyjny 2022 hod my adkryjem vialikaj razmovaj Alaksandra Łukašenki i Uładzimira Sałaŭjova. Ja ŭpeŭnienaja, što ŭ nas usio atrymajecca i što budzie vielmi cikava».
Miesiac tamu Łukašenka davaŭ intervju inšaj simvaličnaj fihury rasijskaj teleprapahandy — Dźmitryju Kisialovu. Mienavita padčas hetaha intervju jon faktyčna adkryta pryznaŭ Krym rasijskim. Varta čakać, što niešta padobnaje budzie daručana vyciahnuć ź jaho i Sałaŭjovu.