Viadomy vajskovy ahladalnik Jahor Lebiadok šukaje pracu. Minułuju jon straciŭ paśla paskvila Mukavozčyka
Viadomy vajskovy ahladalnik Jahor Lebiadok šukaje pracu. Abviestku pra heta jon raźmiaściŭ u Facebook.
31.01.2022 / 14:28
Jahor Lebiadok. Fota: lebiadok / Facebook
Apošniaje miesca jaho pracy — DNVA «Optyka, optaelektronika i łaziernaja technika», jakoje naležyć NAN RB.
U kamientaryi «Našaj Nivie» Lebiadok skazaŭ, što syšoŭ pa pahadnieńni bakoŭ.
U apošni čas na Jahora Lebiadka źviarnuli svaju aktyŭnuju ŭvahu dziaržaŭnyja prapahandysty. Na sajcie «SB» 18 studzienia źjaviŭsia artykuł Mukavozčyka z nazvaj «Chto bolš niebiaśpiečny, vuličny admarozak ci intelektualny? Abodva», u jakim prapahandyst piša pra Lebiadka i namiakaje na toje, što dziaržaŭnaje pradpryjemstva pavinna jaho zvolnić.
Jahor Lebiadok šyroka viadomy jak vajskovy ekśpiert, jon daje vostryja kamientaryi, krytykuje ŭładu i pry hetym zastajecca ŭ Biełarusi.