Ekśpiert Lebiadok pra adpraŭku vojsk ADKB u Kazachstan: Biełaruś moža ŭviazacca ŭ vajnu 

U adpaviednaści z Pahadnieńniem ab Kalektyŭnych siłach apieratyŭnaha reahavańnia ADKB, apošnija prymianiajucca dla łakalizacyi ŭzbrojenych kanfliktaŭ, baraćby ź mižnarodnym teraryzmam. Mienavita dla baraćby z «teraryzmam» zaprašvaje dapamohu Takajeŭ, naŭmysna pad hetuju normu Pahadnieńnia zajaŭlaje: «Hetyja terarystyčnyja bandy źjaŭlajucca pa sutnaści mižnarodnymi».

Pavialičyć

Aktam źniešniaj ahresii toje, što adbyvajecca ŭ Kazachstanie, na hetym etapie nazvać nijak nielha. Kłasika saŭkovaj palityki — usie prablemy śpisvać na źniešnich aktaraŭ.

Rašeńnie ab prymianieńni KSAR prymajecca Radaj kalektyŭnaj biaśpieki na padstavie aficyjnaha zvarotu adnaho abo niekalkich bakoŭ na asnovie kansensusu abo sa zhody bakoŭ. Heta taksama jašče pole dla hulniaŭ roznych krain ADKB, naprykład, Armienii.

Padrychtoŭka i praviadzieńnie apieracyi KSAR ažyćciaŭlajucca kamandujučym KSAR, jaki pryznačajecca ź liku pradstaŭnikoŭ prymajučaha boku (u hetym vypadku Kazachstana), kali nie budzie pryniataje inšaje rašeńnie.

Padraździaleńni śpiecnaza orhanaŭ unutranych spraŭ bakoŭ, vyłučanyja ŭ skład KSAR, pryciahvajucca da vykanańnia ŭ pryvatnaści nastupnych zadač:

• likvidacyja niezakonnych uzbrojenych farmavańniaŭ;
• procidziejańnie masavym biesparadkam, jakija pieraškadžajuć vykanańniu pastaŭlenych zadač;
• zabiaśpiečeńnie biaśpieki dziaržaŭnych abjektaŭ.

Vielmi charakterna ŭ biahučaj situacyi asablivaja dumka Uźbiekistana pa prajekcie Pahadnieńnia ab KSAR ADKB: «Pry hetym my zychodzim z taho niaŭchilnaha pierakanańnia, što kožnaja z krain-udzielnic ADKB u stanie vyrašać svaje ŭnutranyja supiarečnaści i supraćstajańni ŭłasnymi siłami biez pryciahnieńnia uzbrojenych sił zvonku. I tolki ŭ vypadku źniešniaj ahresii i siłavoha ŭmiašańnia zvonku ŭźniknie nieabchodnaść pryciahnieńnia i prymianieńnia KSAR». Biełaruś padpisała pahadnieńnie jak jość.

Kazachstan paprasiŭ dapamohi ŭ ADKB. Jakija biełaruskija vojski mohuć pajechać razhaniać pratesty?

U skład KSAR ad Biełarusi ŭvachodziać SACHR Unutranych vojskaŭ i 103-ja bryhada SSA. Ale ŭ apošnich vučeńniach KSAR u Tadžykistanie ad nas udzielničaŭ i zvodny raźviedatrad kursantaŭ fakulteta vajennaj raźviedki Vajennaj akademii i vajskoŭcaŭ asobnaj roty śpiecyjalnaha pryznačeńnia ZAK. Kali vielmi patrebna, to apieratyŭna možna ŭklučyć inšyja padraździaleńni ad nas. Pry hetym, u miežach pahadnieńnia, padčas padrychtoŭki i praviadzieńnia apieracyj z udziełam padraździaleńniaŭ orhanaŭ unutranych spraŭ bakoŭ nie dapuskajecca raspaŭsiudžvańnie infarmacyi ab ich składzie, ab taktycy praviadzieńnia apieracyj, ab charaktarystykach uzbrajeńnia, śpiecsrodkaŭ i śpiectechniki, a taksama infarmacyi, jakaja raskryvaje inšyja źviestki, zabaronienyja da raspaŭsiudžvańnia nacyjanalnym zakanadaŭstvam. Heta značyć, naprykład, pra skład sił ad UV, kudy možna ŭklučyć u zakrytym farmacie abo pierapadparadkavaŭšy inšyja padraździaleńni, možna i nie daviedacca.

Nakiravańnie vajskoŭcaŭ (uklučajučy supracoŭnikaŭ MUS, SK, prakuratury i h.d.), a taksama cyvilnaha piersanału za miežy Biełarusi dla takich met ažyćciaŭlajecca ź ich asabistaj piśmovaj zhody pa rašeńni prezidenta Biełarusi. Sałdat terminovaj słužby i aficeraŭ pa pryzyvie nie nakiroŭvajuć. Dla adpraŭki našaha kantynhientu KSAR nie patrebnaja zhoda parłamienta. Darečy, u mai 2021 hoda sproščanyja patrabavańni da vajennasłužačych, jakija nakiroŭvajucca dla ŭdziełu ŭ dziejnaści pa padtrymańni mižnarodnaha miru i biaśpieki.

Kali ŭ Kazachstanie našy i rasijanie pazabivajuć kazachaŭ, a tyja, u tym liku vajskoŭcy i palicyja, usprymuć heta jak źniešniuju ahresiju (što imavierna), to tut situacyja na mižnarodnym uzroŭni ŭskładnicca dla taho, chto adpraviŭ.

Pry łakalizacyi aeraporta treba budzie pravodzić śpiecapieracyju, kab hety kantynhient KSAR vyciahnuć z Kazachstana (što taksama pahražaje pavieličeńniem uzroŭniu kanfliktu). Inakš buduć sotni źniavolenych ci vajennapałonnych, za jakich užo samomu daviadziecca handlavacca. Rašeńniem adnaho na adpraŭku sił Biełaruś moža ŭviazacca ŭ vajnu z pakul sajuźnikam.

• 0
• 0
• 0
• 0
• 0
• 0