Hetyja pradukty nielha padahravać u mikrachvalevaj piečy. Heta prosta niebiaśpiečna
Mikrachvalevaja pieč vielmi praktyčnaja, tamu što ŭ joj možna chutka razahreć ježu. Ale niekatoryja pradmiety abo pradukty, nahretyja ŭ mikrachvaloŭcy, mohuć paškodzić samu pieč, abo być niebiaśpiečnymi dla zdaroŭja.
12.06.2022 / 13:52
Fota: flickr.com
Mikrachvalevyja piečy vielmi raspaŭsiudžanyja, ale ŭ ich možna pryhatavać ci razahreć nie ŭsio. Śpis pradmietaŭ i praduktaŭ, jakija nielha tudy kłaści, na ździŭleńnie doŭhi.
Jak pracuje mikrachvalevaja pieč?
Krynica: explainthatstuff.com
Abrevijatura «ZVČ» rasšyfroŭvajecca jak «zvyšvysokačastotnaje vypramieńvańnie». Mienavita ŭ im palahaje pryncyp pracy mikrachvaloŭki. Nahreŭ ježy adbyvajecca pad uździejańniem chvalaŭ.
Jany nahravajuć vonkavy płast praduktaŭ, pranikajučy na hłybiniu nie bolš za try santymietry. Unutranaja častka nahravajecca za košt nahrevu źniešniaj.
Pry ŭklučeńni prybora adbyvajecca paskareńnie čaścic — jany palaryzujuć malekuły vady ŭ stravach, vybudoŭvajučy ich uzdoŭž linij elektramahnitnaha pola. Hety ruch vyklikaje nahreŭ praduktu.
Jakuju taru nielha stavić u mikrachvaloŭku?
Hetaja tara moža jak być paškodžanaja sama, hetak i paškodzić piečku, i pryvieści da surjoznaj pałomki:
- płastykavyja kantejniery i stałovyja prybory, za vyklučeńniem tych, na jakich napisana, što jany prydatnyja dla vykarystańnia ŭ mikrachvalevaj piečy;
- kantejniery ź pienapolistyrołu;
- mietaličny posud i stałovyja prybory;
- pazałočany posud i posud ź mietaličnym napyleńniem;
- aluminijevaja folha;
- papiarovyja pakiety i survetki;
- zakrytyja kantejniery, navat, kali jany prydatnyja dla mikrachvaloŭki.
Jakija pradukty kateharyčna nielha hatavać u mikrachvalevaj piečy?
- jajki — jak syryja, hetak i varanyja — jany mohuć «vybuchnuć». Amlet i zasmažanyja možna;
- zamarožanaje miasa — jano nieraŭnamierna i nie całkam nahrejecca, što moža skončycca atručeńniem;
- sadavina — moža «vybuchnuć», asabliva heta tyčycca vinahradu, ahrestu i cytrusavych;
- vostry pierac — kali vy adčynicie dźviercy, jon moža spracavać jak piarcovy bałončyk;
- kakos u mikrachvalevaj piečy — taksama sumnieŭnaja ideja.
Niekatory čas tamu ŭ TykToku źjaviŭsia virusny rolik, u jakim karystalniki z dapamohaj mikrachvaloŭki hatavali jajki-pašot. Na žal, dla niekatorych hetaja zabava skončyłasia trahična.
Šantel Kon, 25-hadovaja dziaŭčyna ź Vialikabrytanii, taksama chacieła pasprabavać hety truk. U vyniku Šantel zastałasia ź vialikimi apiokami tvaru, bo kali jana razrezała haračaje jajka, jano pyrsnuła kipiačym žaŭtkom prosta ŭ tvar.
Šantel Kon. Fota: sacsietki dziaŭčyny
Vam taksama nie varta ŭklučać pustuju mikrachvalevuju pieč. Jana vypramieńvaje chvali, jakija niešta musić pahłynać.
Ale ŭ pustoj piečy niama čamu heta rabić. Chvali nie zrobiać vam škody, ale mohuć paškodzić pryładu. A hetaha varta paźbiahać, kab nie tracić lišnija hrošy.