На пляжы ў Сочы збілі самбіста з Мінска
На сочынскім пляжы «Фрэгат» збілі самбіста з Мінска. Як піша Mash, хлопец у рэанімацыі.
03.07.2022 / 19:27
Тэлеграм-канал пераказвае такую храналогію падзей.
Дзве дзяўчынкі, 6 і 14 гадоў, здымалі ролік, раздаючы адпачывальнікам прыгожа нарэзаную садавіну. Супрацоўнікі пляжа ўбачылі ў іх канкурэнтаў і груба папрасілі сысці. Старэйшы брат дзяўчынак, Мікіта заступіўся за іх, а калі трое работнікаў паспрабавалі прагнаць яго сілай, пачалася бойка.
На падмогу супрацоўнікам пляжа, піша канал, прыйшло чалавек дзесяць з палкамі і жалезнымі прутамі. Прыйшлося выклікаць хуткую для беларуса. Ён да гэтага часу ў цяжкім стане.