Фоткаўся з Лукашэнкам, працаваў у прэс-службе хакейнага «Дынама». Стала вядома асоба беларуса, пабітага ў Сочы
Беларусам, якога ў Сочы збілі супрацоўнікі пляжа, аказаўся былы прэс-сакратар «Дынама» Маладзечна Мікіта Гараеў.
Гараеву 23 гады. Скончыў педагагічны ўніверсітэт у Мінску, адвучыўся на гісторыка, але апошнім часам працаваў настаўнікам фізкультуры ў школе.
Самбіст у мінулым, ён падпісант ліста за Лукашэнку.
Яго бацька Аляксандр Палішчук у 2021 годзе выступаў у складзе хакейнай каманды Гомельскай вобласці, калі тая гуляла супраць каманды Лукашэнкі, пісала раней «Трыбуна». На тым матчы Аляксандр Палішчук быў прызнаны найлепшым гульцом сваёй каманды, а сын змог сфатаграфавацца з Лукашэнкам.
Гараеў на той момант працаваў у мінскім «Дынама», камандзе КХЛ, але неўзабаве яго «спусцілі» на ніжэйшы ўзровень — у «Дынама» з Маладзечна, якое гуляе ў чэмпіянаце Беларусі.
Як вядома «Нашай Ніве», Гараеў маніторыў сацсеткі сваіх калег і пісаў на іх характарыстыкі кіраўніцтву. Збіраў інфармацыю і на фанатаў хакейнага «Дынама», якія пачалі байкатаваць матчы з-за палітычнай сітуацыі.
Нагадаем, сёння стала вядома, што мінскага самбіста збілі на сочынскім пляжы «Фрэгат».
Тэлеграм-канал Mash так апісваў падзеі. Дзве дзяўчынкі, 6 і 14 гадоў, здымалі ролік, раздаючы адпачывальнікам прыгожа нарэзаную садавіну. Супрацоўнікі пляжа ўбачылі ў іх канкурэнтаў і груба папрасілі сысці. Старэйшы брат дзяўчынак, Мікіта заступіўся за іх, а калі трое работнікаў паспрабавалі прагнаць яго сілай, пачалася бойка.
На падмогу супрацоўнікам пляжа, піша канал, прыйшло чалавек дзесяць з палкамі і жалезнымі прутамі. Прыйшлося выклікаць хуткую для беларуса. Ён да гэтага часу ў цяжкім стане.
Факт здарэння пацвердзіла і краснадарская паліцыя.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары