ŁDPB suprać ŁHBT. «Zvyšnaturał» Hajdukievič znajšoŭ sabie novuju zadaču
Lidar ŁDPB prapanuje zrabić bolš strohaj adkaznaść za «prapahandu ŁHBT» u Biełarusi.
19.07.2022 / 13:11
Takuju prapanovu jon vykazaŭ u svaim telehram-kanale.
«U ŁDPB źviarnulisia šerah hramadzian, pradstaŭniki roznych patryjatyčnych ruchaŭ našaj krainy z prapanovaj zrabić bolš strohaj adkaznaść za prapahandu ŁHBT u Biełarusi, — napisaŭ jon. — Jak raz niadaŭna ŭ Dziarždumu RF uniesieny zakon ab uzmacnieńni i zabaronie takoj prapahandy ŭ RF, dzie takaja prapahanda pavinna być zabaronienaja nie tolki siarod niepaŭnaletnich, ale i ŭsich hramadzian Rasii».
Pa słovach Hajdukieviča, ŁDPB uvažliva vyvučyła zvarot, i na pasiadžeńni Vyšejšaha savieta pryniała rašeńnie padtrymać hetuju inicyjatyvu praz svaich pradstaŭnikoŭ u miascovych zakanadaŭčych orhanach ułady i parłamiencie. Płanujecca pravieści kruhły stoł pa hetaj temie.