Chłopiec sprabavaŭ vyhnać z univiersiteta siabroŭku z Tinder. Ciapier jon vinien joj 150 tysiač dalaraŭ
23-hadovy brytaniec Olivier Miłz-Nanin, matros jachty, sprabavaŭ vyhnać z univiersiteta dziaŭčynu, jakaja pierastała pierapisvacca ź im u Tinder. Ciapier jon pavinien vypłacić kala 155 tysiač dalaraŭ.
25.07.2022 / 12:32
Fota: CHAMPION NEWS
Olivier paznajomiŭsia z Skarlet Dju, studentkaj miedycynskaha fakulteta Mančesterskaha ŭniviersiteta, u 2019 hodzie praz Tinder. Spačatku pamiž im i dziaŭčynaj zaviazałasia siabroŭstva, ale praz niekalki miesiacaŭ pierapiski jana pačała zaŭvažać, što pavodziny Oliviera robiacca ŭsio bolš niestabilnymi, i spyniła kamunikacyju ź im, piša The Times.
Zhodna z danymi suda, paśla hetaha kroku dziaŭčyny Miłz-Nanin pačaŭ jaje pieraśledvać. Jon stvaryŭ asobnyja akaŭnty ŭ sacsietkach, dziakujučy jakim moh źviazvacca z Skarlet i być padpisanym na jaje siabroŭ i svajakoŭ.
U niejki momant jon pahadziŭsia spynić svaje zalacańni, ale zamiest hetaha napisaŭ list sumnieŭnaha źmiestu va ŭniviersitet Skarlet. U liście Olivier abvinavaciŭ byłuju siabroŭku ŭ tym, što jana nibyta pieraśleduje jaho, i paprasiŭ kiraŭnictva ŭniviersiteta vyklučyć dziaŭčynu ź jaho. Jon śćviardžaŭ, što maje sudovy zahad, jaki zabaraniaje Skarlet jaho dapiakać, ale pakolki jana vučycca ŭ Mančestery, jamu nibyta strašna vychodzić z doma.
U adkaz Skarlet padała hramadzianski pazoŭ suprać chłopca. Suddzia prysudziła jamu šeść miesiacaŭ umoŭnaha turemnaha terminu za toje, što Olivier parušyŭ abaviazacielstva spynić kantakt z dziaŭčynaj. Taksama Miłz-Nanin pavinien vypłacić byłoj siabroŭcy 36 tysiač dalaraŭ u košt maralnaj škody i amal 118 tysiač dalaraŭ, kab pakryć sudovyja vydatki Skarlet.