Zatrymali dyrektara i byłoha kiraŭnika markietynhu viadomaj minskaj kramy «Śnikierched»
dapoŭniena
Heta adna z samych papularnych kramaŭ abutku ŭ Minsku.
07.09.2022 / 15:27
Siońnia na praŭładnych kanałach źjaviłasia videa z zatrymanymi byłym dyrektaram pa markietynhu kramy krasovak «Śnikierched» 28-hadovy Uładzimir Stasievič (na fota — źleva, jon niejki čas žyŭ u Hruzii, a paśla viarnuŭsia ŭ Biełaruś), i dyrektaram hetaj kramy 32-hadovym Siarhiejem Kaladoj.
«Śnikierched» — adna z samych papularnych kramaŭ abutku ŭ Minsku. Na kožnuju ź jaje staronak u sacsietkach padpisanyja dziasiatki tysiač čałaviek. Jana mieścicca ŭ BC «Alaksandraŭski» na praśpiekcie Pieramožcaŭ.
Abodva mužčyny jahonyja suzasnavalniki. Krama pracuje bolš za siem hadoŭ.
Siarhiej Kalada naradziŭsia ŭ Mahdeburhu ŭ 1990 hodzie, paśla žyŭ u Žabincy. Vučyŭsia u Bresckim dziaržaŭnym techničnym univiersitecie, a paśla zasnavaŭ ułasny biznes.
Uładzimir Stasievič rodam ź vioscy Motal Ivanaŭskaha rajona. Vučyŭsia ŭ Biełaruskim dziaržaŭnym arharnym techničnym univiersitecie. Bolš za 10 hadoŭ zajmajecca ŭłasnym biznesam.
Mužčyn abvinačvajuć u danatach na dapamohu paciarpiełym padčas pratestaŭ.
Mahčyma, da ich pryjšli praz toje, što jany ŭ svoj čas adkryta apublikavali post pra heta — inšych «začepak» siłaviki nie pradstavili.