«Azaronak zadavaŭ pytańni, a cichary pakazvali, kaho brać». Raspaviadajem pra chapun na sudzie pa spravie «Revalucyjnaha dziejańnia»
Siońnia paśla suda pa spravie «Revalucyjnaha dziejańnia» zatrymali bolš za 10 čałaviek. Pad razdaču trapili navat vypadkovyja ludzi i dypłamaty.
Vidavočcy raskazali nam, jakaja była situacyja:
«Pierad sudom ludziej zapisvali bolš za hadzinu, choć ich było niašmat. U kožnaha zapytvali proźvišča, imia, datu naradžeńnia, adras, potym abšukvali-abmacvali vielmi pavolna, u vyniku vielmi mała kaho puścili. Paśla skazali, što byccam sudździa ŭžo ŭ zale i nielha ŭvachodzić. Ludzi pačali aburacca, bo niekatoryja nie bačyli svaich blizkich pa dva hady.
Potym źjaviŭsia Azaronak i pačaŭ hruba raspytvać dypłamataŭ i Evielinu Šulc (namieśnicu kiraŭnika pradstaŭnictva ES u Biełarusi) u pryvatnaści. Pablizu stajali cichary i słuchali, chto što jamu adkazvaje.
Adrazu paśla suda pačaŭsia chapun. Spačatku «ŭziali» dypłamataŭ, a potym cichary vyjšli i pakazvali kaho brać, pad «razdaču» trapili i vypadkovyja ludzi. Vyvałakli navat žančynu, jakaja prosta pisała zajavu na spatkańnie (paśla prysudu jano dajecca praz sud).
Niešta nie toje skazaŭ, ci im tak zdałosia — pad ruki i ŭ busik. Siłu tak pakazvali.
U vyniku zatrymali niekalki svajakoŭ, častku dypłamataŭ, jakija ŭvohule nie razumieli, što adbyvajecca, i vypadkovych ludziej. Ciapier, vierahodna, jany ŭsie ŭ adździaleńni HUBAZiK na Revalucyjnaj, bo ŭ RUUSach ich, kažuć, niama».
Siarod zatrymanych maci Alaksieja Hałaŭko Alena, jaho brat Kirył i piać siabroŭ (Daniił Krašeŭski, Alaksandr Spatkaj, Andrej Uronič, siabroŭki Asia i Alena), ciotka Alaksandra Franckieviča Natalla, svajak Paŭła Špietnaha, maci palitviaźniaŭ Kima i Alaksieja Samusienkaŭ Ludmiła, pravaabaronca Nasta Łojka i niekalki pradstaŭnikoŭ ambasadaŭ. Mahčyma, zatrymlivałasia Evielina Šulc. Ahułam, pa našych źviestkach, zatrymanyja nie mienš za 13 čałaviek.
94 hady na ŭsich — vyniesieny dziki prysud pa spravie «Revalucyjnaha dziejańnia»
«Ja viedaju — budučynia naležyć nam». Mocnaje apošniaje słova Alaksandra Franckieviča
Ciapier čytajuć
Jaŭhien Dudkin: Ja byŭ sakretnym supracoŭnikam KDB. Ale tolki da 2016 hoda11
Kamientary