Žurnalistka Ksienija Łuckina pierachvareła ŭ kałonii na dvuchbakovuju pnieŭmaniju, prymaje leki suprać kanvulsij
Pa stanie zdaroŭja Ksieniju Łuckinu vyzvalili ad rabot u pramysłovaj zonie. Pra heta piša «Narodnaja Vola».
07.03.2023 / 11:43
Ksieniju Łuckinu, jakaja ŭ 2020 hodzie pracavała ŭ Biełteleradyjokampani, abvinavacili ŭ zmovie z metaj zachopu dziaržaŭnaj ułady niekanstytucyjnym šlacham.
28 vieraśnia minułaha hoda Minski haradski sud prysudziŭ žurnalistcy 8 hadoŭ źniavoleńnia. Ciapier jana ŭ homielskaj kałonii.
U studzieni hetaha hoda Ksienija Łuckina była ŭklučanaja ŭ śpis asob, datyčnych da ekstremisckaj dziejnaści.
— U minułym miesiacy jana zachvareła na dvuchbakovuju pnieŭmaniju, i praktyčna ŭvieś luty zmahałasia z chvarobaj. Kala dvuch tydniaŭ praviała ŭ balničnaj pałacie kałonii, ale ciapier jaje ŭžo adtul vypisali, — kaža Aleh Łukin, baćka žurnalistki.
— Z-za ankałohii Ksienii nie rabili dadatkovaje abśledavańnie?
— Jaje pastavili ŭ čarhu na MRT, chacia nieviadoma, kolki ŭ hetaj čarzie daviadziecca čakać. Uvohule ž, samaadčuvańnie dački vielmi drennaje. Robiać roznyja ŭkoły, navat antykanvulsanty.
Ale Ksienija pad pastajannym nahladam miedykaŭ, choć niejki miedycynski dahlad jość. Na ŭračoŭ jana nie skardzicca.
— Na vytvorčaści ŭ kałonii dačka nie pracuje?
— Pa stanie zdaroŭja jaje vyzvalili ad rabot u pramysłovaj zonie.