Ілан Маск заклікае спыніць развіццё нейрасетак з-за пагрозы чалавецтву
Ілан Маск разам з больш чым тысячай экспертаў у галіне штучнага інтэлекту запатрабаваў забараніць навучанне магутных нейрасетак, так як гэта патэнцыйная пагроза для чалавецтва. Такі адкрыты ліст з'явіўся на сайце арганізацыі Future of Life Institute.
29.03.2023 / 19:32
У лісце Ілан Маск і іншыя эксперты заклікаюць прыпыніць навучанне сістэм штучнага інтэлекту мінімум на шэсць месяцаў. За гэты час лабараторыі і незалежныя спецыялісты павінны распрацаваць і ўкараніць набор агульных пратаколаў бяспекі, якія дазволяць пасля правяраць і кантраляваць развіццё сістэм штучнага інтэлекту.
Абгрунтоўваюць такія меры аўтары ліста рызыкай для чалавецтва з-за далейшага развіцця сістэм штучнага інтэлекту з «чалавека-канкурэнтным інтэлектам».
Акрамя Маска, ліст падпісалі адзін з заснавальнікаў Apple Стыў Возняк, вядучыя эксперты ў галіне штучнага інтэлекту Сцюарт Расел і Іошуа Бенджыа, а таксама іншыя значныя эксперты.
Чытайце таксама:
У Мінску з'явілася знешняя рэклама, створаная з дапамогай штучнага інтэлекту
Бачылі фота Папы ў пухавіку? Гэта чарговы фэйк, створаны, канешне ж, нейрасеткай
Як нейрасетка бачыць заснавальнікаў БНР? ФОТЫ
Склалі для вас вялікі ТОП карысных нейрасетак на ўсе выпадкі жыцця