Čatyry vitaminy dla suchoj skury
Suchaja skura ŭvieś čas patrabuje asablivaha dohladu. Ad pryrody jana bolš schilnaja da razdražnieńniaŭ, i časta jaje ŭładalniki majuć adčuvańnie ściahnutaści skury, asabliva paśla myćcia. Taksama suchaja skura vielmi tonkaja, a tamu bolš schilnaja da źjaŭleńnia marščyn. Ale dziakujučy dobramu charčavańniu i pravilnaj kaśmietycy i suchaja skura budzie pruhkaj i ełastyčnaj.
02.04.2023 / 22:55
Fota: Pixabay
Suchaja skura ad pryrody tonkaja i adčuvalnaja da pamyłak u dohladzie i da ŭździejańnia vonkavych faktaraŭ, ale jość niekalki vitaminaŭ, jakija robiać suchuju skuru ełastyčnaj i pruhkaj, raskazvaje Onet.pl. Varta sačyć za tym, kab jany byli ŭ praduktach charčavańnia i kaśmietycy.
Vitamin A
Jon maje vydatnuju zdolnaść supakojvać pačućcio ściahnutaści i zapaleńni skury. Abaraniaje ad praźmiernaha arahavieńnia epidermisu, razhładžvaje i pavialičvaje jaho ełastyčnaść. Razam ź vitaminam Je jany dobra pracujuć razam i dapamahajuć praduchilić zaŭčasnaje źjaŭleńnie marščyn. Vitamin A možna znajści ŭ takich praduktach, jak piečań, jajki, śmietankovaje masła, jałavičyna, ptuška, ryba, abiastłuščany tvaroh, naturalny johurt ci kiefir.
Vitamin V5
Vitamin B5 — heta budaŭničy materyjał dla skury. Jaho niedachop prajaŭlajecca ŭ vyhladzie patałahičnaha arahavieńnia ci praźmiernaha łuščeńnia epidermisu, pavieličeńni suchaści. Vitamin V5 hłyboka ŭvilhatniaje skuru, spryjaje jaje rehienieracyi, supakojvaje zapaleńni. Krynicy hetaha vitaminu ŭ racyjonie — aŭsianka, žytni chleb, hrečka, babovyja, arechi, tłustaja ryba.
Vitamin C
Vitamin S jość adnym z najmacniejšych antyaksidantaŭ. Jaho naležny ŭzrovień padtrymlivaje pradukavańnie kałahienu, jaki adkazvaje za ełastyčnaść i pruhkaść skury. Pry sumiesnym užyvańni ź vitaminam Je jaho dziejańnie ŭzmacniajecca. Krynicy hetaha vitaminu najpierš žuraviny, čornyja parečki, piatruška, kvašanaja kapusta, čyrvony pierac. Kali vy vykarystoŭvajecie kaśmietyčnyja srodki ź vitaminam S, sačycie, kab jaho kancentracyja była nizkaj, kab paźbiehnuć niepryjemnaha ściahvańnia skury.
Vitamin Je
Niezdarma jaho nazyvajuć vitaminam maładości. Heta antyaksidant, jaki efiektyŭna niejtralizuje svabodnyja radykały, adkaznyja za praces stareńnia. Taksama jon uvilhatniaje i maje supraćzapalenčaje dziejańnie, tamu asabliva rekamiendujecca dla suchoj, razdražnionaj, atapičnaj i alerhičnaj skury. Vitamin Je supakojvaje razdražnieńni i paskaraje rehienieracyju. Jon padtrymlivaje pracu achoŭnaha barjera skury, dziakujučy čamu ŭ jaje tkankach zatrymlivajecca bolš vady. Vitamin moža traplać u skuru zvonku ŭ vyhladzie kaśmietyčnych srodkaŭ, kropiel ci kapsuł. U racyjonie my možam znajści jaho ŭ takich praduktach, jak hreckija arechi i arachis, harbuziki, mindal, celnazbožžavy chleb, zialonaja harodnina.
Tłustyja kisłoty amieha-3 i amieha-6
Choć heta i nie vitaminy, ale pra zdarovuju skuru składana havaryć biez uliku ich upłyvu na jaje stan. Jany nadzvyčaj važnyja dla stvareńnia naturalnaha achoŭnaha barjera, jaki abaraniaje skuru ad vonkavych faktaraŭ, naprykład, ad marozu ci UF-vypramieńvańniaŭ. Kali ŭ vašym racyjonie brakuje tłustych kisłot amieha-3 i amieha-6, skura nie zmoža ŭtrymlivać vilhać, što jašče bolš uzmocnić suchaść. Zabiaśpiečyć svoj arhanizm kisłotami amieha-6 možna, kali ŭklučyć u racyjon alei, tofu, hreckija arechi i mindal. Tłustyja kisłoty amieha-3 možna znajści ŭ marskoj rybie, ilnianym i aliŭkavym alei.
Užyvańnie dastatkovaj kolkaści vadkaści taksama važna dla suchoj skury. Heta moža być minieralnaja vada, soki dobraj jakaści ci travianyja čai — jany dapamohuć uvilhatnić skuru znutry. Dziakujučy pravilnamu charčavańniu i dohladu, skura moža stać zichatlivaj, pruhkaj i ełastyčnaj.
Čytajcie jašče:
Piać praduktaŭ, jakija dapamahajuć skury abmałodžvacca
Jak pravilna myć tvar, kab skura skazała vam dziakuj — raskazvajem