Zbory terytaryjalnych vojskaŭ pačalisia ŭ Hrodzienskaj vobłaści
U Navahrudskim i Karelickim rajonach Hrodzienskaj vobłaści pravodziacca zbory z voinskimi čaściami terytaryjalnych vojskaŭ i orhanami kiravańnia terytaryjalnaj abarony, paviedamiła 31 sakavika Ministerstva abarony.
31.03.2023 / 18:15
Fota ilustracyjnaje
Zbory pravodziacca, jak paviedamlajecca, u ramkach płana padrychtoŭki terytaryjalnych vojskaŭ dla pavyšeńnia ich bajavoj i mabilizacyjnaj hatoŭnaści, pravierki realnaści i terminaŭ vykanańnia mabilizacyjnych mierapryjemstvaŭ.
Taksama ŭ ramkach zboraŭ pravodzicca navučańnie čynoŭnikaŭ z rajvykankamaŭ i vajenkamataŭ pa pytańniach farmiravańnia terytaryjalnych vojskaŭ i ich padrychtoŭki da vykanańnia zadač.
Zbory praciahnucca da 21 krasavika.
Čytajcie taksama:
U Barysaŭskim rajonie farmujuć bataljon terabarony z vajskoŭcaŭ zapasu
Rada biaśpieki daručyła Minabarony pačać raspracoŭku novaj vajskovaj daktryny
Valfovič pra narodnaje apałčeńnie: Im vydaduć strałkovuju zbroju, jakaja budzie zachoŭvacca pry ich