Valfovič pra narodnaje apałčeńnie: Im vydaduć strałkovuju zbroju, jakaja budzie zachoŭvacca pry ich
Staršynia Rady biaśpieki Alaksandr Valfovič u efiry «Biełaruś 1» raskazaŭ, jak, na dumku kiraŭnictva łukašenkaŭskaha režymu, maje budavacca narodnaje apałčeńnie, jakoje na hetym tydni abmiarkoŭvali z udziełam Łukašenki.
![](http://nashaniva.com/img/w732d4webp1/photos/z_2023_02/0008-1xax0.jpg.webp)
Pavodle Valfoviča, farmavać narodnaje apałčeńnie buduć miascovyja orhany ŭłady, a kiravać jaho atradami — adździaleńni ŭnutranych spraŭ. Zadačy apałčeńnia ŭ vypadku vajennaha stanovišča — «abarona paradku, baraćba z bandytyzmam i maradziorstvam, dyviersijna-raźviedvalnymi hrupami».
Možna mierkavać, što ŭ apałčeńnie, kali da jaho farmavańnia sprava sapraŭdy dojdzie, buduć nabirać samych pravieranych prychilnikaŭ režymu, bo im miarkujecca akazvać nadta vialiki davier:
«Im budzie vydadzienaja strałkovaja zbroja. Zbroja budzie zachoŭvacca pry ich. Žyć jany buduć i charčavacca doma», — skazaŭ Valfovič.
Prymać rašeńnie ab tym, kaho brać u narodnaje apałčeńnie, buduć kiraŭniki miascovaj ułady: staršyni abłasnych, rajonnych vykankamaŭ i hetak dalej. U ich budzie «šyrokaje pole mahčymaściaŭ» u pryniaćci rašeńnia ab tym, ci možna vydavać čałavieku zbroju.
«Buduć vyvučanyja katehoryi hramadzian», — abiacaje kiraŭnik łukašenkaŭskaj Rady biaśpieki.
Pavodle jaho, u hetaje apałčeńnie buduć brać i žančyn, kali jany buduć adpaviadać patrabavańniam.
Zvalniacca z pracy dla niasieńnia słužby ŭ apałčeńni nie budzie patrebna, ale pa rašeńni miascovaha kiraŭnika apałčency buduć na niejki čas vyzvalacca ad pracy dla vykanańnia abaviazkaŭ u družynach. Zarobak pry hetym budzie zachoŭvacca.
Pry hetym słužba ŭ apałčeńni nie vyzvalaje hramadzianina ad vajskovaj słužby: pry nieabchodnaści tyja, chto da jaje prydatny, mohuć być mabilizavanyja i ŭ vojska.
Čytajcie taksama:
U narodnaje apałčeńnie mohuć uvajści da 150 tysiač čałaviek
Łukašenka abmiarkoŭvaje zakon pra narodnaje apałčeńnie
Valfovič anansavaŭ źmieny ŭ Kancepcyi nacbiaśpieki
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary