U niamieckim horadzie biełaruska vystaviła svaju kalekcyju lalek
U niamieckim kurortnym horadzie Bad-Krojcnach vystavili lalek u nacyjanalnych kaściumach roznych krain z pryvatnaj kalekcyi Vieraniki Huhienchajmier — uradženki Biełarusi, jakaja pražyvaje ŭ Hiermanii. Pra heta piša belmir.by sa spasyłkaj na vydańnie Allgemeine Zeitung.
05.04.2023 / 23:16
Lalki ekspanujucca ŭ vitrynie byłoj carkoŭnaj kramy na vulicy Kurchaus-štrase. Jany apranutyja ŭ nacyjanalnyja kaściumy roznych krain Jeŭropy, rehijonaŭ Hiermanii, a taksama, naprykład, Japonii, Tajłanda, Kambodžy, Alaski.
Jak raspaviadaje hazieta, Vieranika ŭžo šmat hadoŭ źbiraje lalek. Jany zroblenyja z samych roznych materyjałaŭ: farforu, tkaniny, dreva, hliny i navat sałomy. Ciapier u kalekcyi biełaruski naličvajecca kala 80 ekzemplaraŭ.
Žurnalisty z humaram rajać svaim čytačam «dobrańka rasplaskać svaje nasy», kab jak śled razhledzieć lalek za škłom.
Čytajcie taksama:
«Maje monstryki». Žančyna z Brasłava źbiraje niezvyčajnych lalek