Zatrymali finansavaha dyrektara Minskaha hadzińnikavaha zavoda. Jaho vinavaciać u danatach paciarpiełym ad hvałtu
Siońnia MUS paviedamiła pra zatrymańnie namieśnika dyrektara adnaho z zavodaŭ. Dziakujučy «Kibierpartyzanam» stała viadoma, što havorka pra Alaksieja Sałanienku.
06.04.2023 / 19:13
Alaksiej Sałanienka. Fota: jahonaja staronka ŭ Facebook
Mužčynu 37 hadoŭ, rodam jon z Maładziečna. Zhodna sa źviestkami ŭ fejsbuku, u žniŭni 2020 hoda Sałanienka pierajšoŭ na pasadu finansavaha dyrektara Minskaha hadzińnikavaha zavoda, jaki vypuskaje hadzińniki «Łuč».
Jaho zatrymali dniami. U vinu mužčynu staviać udzieł u pratestach u 2020-m hodzie, raźmiaščeńnie ŭ sacsietkach «ekstremisckich materyjałaŭ» (takim nazyvajuć łahatyp partała Tut.by) i achviaravańni paciarpiełym ad hvałtu.
Nieviadoma, ci zaviedzienaja suprać jaho kryminalnaja sprava.
Čytajcie taksama:
Jak schavać, što ty danaciŭ praz fejsbuk? Valeryj Capkała i Andrej Stryžak majuć roznyja mierkavańni
Čytačka, jakuju zabrali za danat: Psichałahičny cisk byŭ strašenny