Čytačka, jakuju zabrali za danat: Psichałahičny cisk byŭ strašenny
Adna z čytačak «Našaj Nivy» ŭ kamientaryjach da adnaho z našych artykułaŭ apisała svoj ułasny kiejs, kali siłaviki vyklikali jaje za ŭžo daŭno zroblenyja danaty i patrabavali «kampiensacyi» režymu. I na asnovie ŭłasnaha dośviedu raić, što treba rabić i jak siabie pavodzić inšym.
Try tydni nazad taksama zabrali z pracy, šef vyklikaŭ, a ŭ jaho kabiniecie ŭžo siadzieŭ toj, jaki skazaŭ: «Prajedziem».
Z faktaŭ u ich było tolki toje, što ja na niešta danaciła praz fejsbuk. Samoha akaŭnta hetaha ŭ mianie daŭno niama. Tamu, naturalnym čynam, ja «nie pamiatała», što heta takoje było ŭ 2020-m.
Psichałahičny cisk byŭ strašenny. I ŭhavorvali, i kryčali, i zhvałtavańniem u IČU pahražali. Patrebnaja im była ad mianie papierka, što ja na fondy danaciła. Čałaviek mabyć 10 za ŭvieś čas (kala 5 hadzin) «łamali» i łazili ŭ telefonie. Ničoha nie znajšli, zrazumieła (pra heta ja jašče raniej pakłapaciłasia). Vypuscili.
Tamu instrukcyja:
1) kali danacili — abaviazkova vydalić akaunt u fejsbuku (na žal, inšaha varyjantu niama);
2) kateharyčna «nie pamiatać», navat kali budziecie dzień i noč siadzieć u kabiniecie;
3) prosta ciapier padrychtavać svoj telefon i chatni kampjutar da pieratrusu (nu i kvateru, zrazumieła). Lepš za ŭsio zaviesci novyja akaŭnty paŭsiul i telefon pierad tym skinuć na zavodskija nałady;
4) psichałahična padrychtavacca, pavodzić sabie vietliva, ale niepachisna, što b ni kazali i ni abiacali.
Padčas «dopytu-sumoŭja» try staryja praviły:
- nie vieryć (ni pahrozam, ni abiacańniam);
- nie bajacca (na ludziej vuń bomby padajuć, a jany ŭsio roŭna zmahajucca);
- nie prasić (ich ni pra što).
I tak — pryjduć za ŭsimi. Ja tolki 15 rubloŭ kidała. Tamu, kali vy danacili i nie hatovyja da takoha cisku — treba terminova źjazdžać, kali jość mahčymaść.
Čytajcie taksama:
Navat za 40 dalaraŭ. Pačynali z ajcišnikaŭ, a ciapier za danaty pačali ciahać usich zapar
Ja achviaravaŭ u fondy. Jak zrazumieć, što ja ŭ niebiaśpiecy?
Stryžak: Akramia ajcišnikaŭ, siłaviki prajaŭlajuć cikaŭnaść taksama da pradstaŭnikoŭ bankaŭskaj śfiery
Stała viadoma, jak KDB vyličvaje tych, chto danaciŭ u «Bajsoł»
Andrej Stryžak: Meta pieraśledu za danaty — źniščeńnie biełaruskaj salidarnaści
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary
Udivitielno, kak oni prodajutsia za zvanija, dołžnosti, viedomstviennoje žiljo, priemii prievrativšiś v jabatiek biez roda, plemieni i svojej strany, prievrativšiś v jabatiek vriemienŝikov, v jabatiek sadistov, v jabatiek nasilnikov, v jabatiek fašistov....