Małdova pazbaŭlajecca ad rasijskaha hazu: pastaŭlać haz joj płanuje hrečaskaja kampanija
Małdova, zaležnaja ad pastavak rasijskaha hazu, padpisała ramačnaje pahadnieńnie ab pastaŭkach z hrečaskaj dziaržaŭnaj kampanijaj DEPA Commercial.
07.04.2023 / 12:06
Fota: Dmitry Lovetsky / AP
Pra heta paviedamiła dziaržaŭnaje kamunalnaje pradpryjemstva Energocom z Małdovy, piša «Jeŭrapiejskaja praŭda» sa spasyłkaj na małdoŭski telekanał TV8.
Dakumient padpisali ŭ Afinach.
Hrecyju ličać stratehičnaj kropkaj z dastupnymi krynicami enierhii, dzie ŭžo pracuje terminał zvadkavanaha pryrodnaha hazu, a druhi terminał budzie zavieršany da kanca hoda.
Trejdary ŭ rehijonie pastaŭlajuć haz ź niekalkich hieahrafičnych kropak, uklučajučy Uschod, ZŠA i Afryku, pa vyhadnych cenach.
Hety kantrakt papiaredničaje lubomu kantraktu kupli-prodažu i źjaŭlajecca abaviazkovym dla vykanańnia pamiž kampanijami ŭ Jeŭrapiejskim sajuzie.
Małdova amal całkam zaležała ad rasijskaj hazavaj kampanii «Hazpram» u dačynieńni da impartu hazu. Pastaŭki pryrodnaha hazu pryvodzili da častych sprečak pamiž Małdovaj i Rasijaj.
Žurnalisty-rasśledavalniki niadaŭna daviedalisia pra rasijskuju stratehiju ŭpłyvu na Małdovu, jakaja praduhledžvała ekspłuatacyju zaležnaści krainy ad rasijskaha impartu, u pryvatnaści hazu, dla dasiahnieńnia palityčnych metaŭ.
Kreml raspracavaŭ płan pa padparadkavańni Małdovy, padobny da biełaruskaha scenara
Dziaržaŭnaj movaj Małdovy zamiest małdaŭskaj stała rumynskaja