Śviet33

Kreml raspracavaŭ płan pa padparadkavańni Małdovy, padobny da biełaruskaha scenara 

Administracyja prezidenta Rasii vosieńniu 2021 hoda raspracavała stratehičny dakumient, jaki apisvaje płan padparadkavańnia Małdovy Maskvie. Dakumient pad zahałoŭkam «Stratehičnyja mety Rasijskaj Fiederacyi ŭ Respublicy Małdova» atrymali žurnalisty-rasśledavalniki, u tym liku centra «Daśje». Hetyja ž žurnalisty raspaviali raniej pra dakumient AP RF pa vajskovym, kulturnym i ekanamičnym pahłynańni Biełarusi da 2030 hoda.

Kałaž: «Daśje»

Małdaŭskaja stratehija akazałasia bolš dalikatnaj, piša «Daśje»: najpierš, Kreml płanuje pieraškodzić krainie zbližacca z Rumynijaj i naviazać joj ruskuju movu. Ale płan bolš šyroki.

Jak i ŭ vypadku z dakumientam, pryśviečanym Biełarusi, mety Rasii ŭ Małdovie dzielacca na vajskova-palityčnyja, handlova-ekanamičnyja i humanitarnyja i raźbityja pa stupieni terminovaści — da 2022, 2025 i 2030 hadoŭ.

Realistyčnymi metami na biahučaje dziesiacihodździe aŭtary dakumienta ličać:

  • supraćstajańnie ŭpłyvu NATA i ES na Małdovu;

  • prymus Małdovy da ŭdziełu ŭ ADKB, JEAES i inšych rasijskich mižnarodnych prajektach;

  • urehulavańnie prydniastroŭskaha kanfliktu na asnovie asablivaha statusu Prydniastroŭja (viadoma ž, pry ŭdziele Rasii);

  • uzmacnieńnie prarasijskich nastrojaŭ u hramadstvie praz prapahandu i adukacyjnyja prahramy.

Karotkaterminovyja mety rasijskaj stratehii ŭklučajuć niejtralizacyju lubych dziejańniaŭ urada Małdovy, nakiravanych na likvidacyju rasijskaj vajskovaj prysutnaści ŭ Prydniastroŭi, stvareńnie sietki niaŭradavych arhanizacyj, jakija prasoŭvajuć raźvićcio rasijska-małdaŭskich adnosin.

Da 2030 hoda dakumient praduhledžvaje pašyreńnie ŭdziełu Małdovy ŭ JEAES, stvareńnie ŭ respublicy ŭstojlivych hrup rasijskaha ŭpłyvu i ŭrehulavańnie prydniastroŭskaha kanfliktu na asnovie asablivaha statusu Prydniastroŭja.

Ruskaja mova pavinna stać movaj mižnacyjanalnych znosin u Małdovie, u tym liku praz prysutnaść rasijskich ŚMI.

Adnym ź instrumientaŭ ekanamičnaha ŭpłyvu AP RF bačyć ekspłuatacyju zaležnaści Małdovy ad rasijskaha impartu, u pieršuju čarhu ad pastavak hazu.

  • U pačatku lutaha na pasiadžeńni Jeŭrapiejskaj Rady Uładzimir Zialenski zajaviŭ, što ŭkrainskaja vyviedka pierachapiła detalovy rasijski płan destabilizacyi situacyi ŭ Małdovie z metaj ustalavać maryjanietkavy ŭrad u Kišyniovie.

  • 11 sakavika pradstaŭnik Rady nacbiaśpieki ZŠA Džon Kirbi paviedamiŭ, što amierykanskaja raźviedka ličyć, što źviazanyja z rasijskimi śpiecsłužbami asoby płanujuć spravakavać paŭstańnie suprać urada Małdovy, kab ustalavać u krainie prarasijskuju administracyju.

Kamientary3

  • Vsio sdiełano
    15.03.2023
    Łukašienko i jabaťkami, v Biełarusi, vsio sdiełano na ura i s opieriežienijem hrafika.
  • Abu
    15.03.2023
    Maskovija - rakavaja puchlina čałaviectva. Radykalnaja ektamija - najlepšy varyjant. Chacia papiarednie možna ŭžyć i pramianiovuju terapiju.
  • AlesGut
    16.03.2023
    Padobna na dezu, u raški navat miežy ahulnaj niama kab padtrymać kalabarantaŭ
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Tramp: 17 sistem Patriot adpravim va Ukrainu8

Tramp: 17 sistem Patriot adpravim va Ukrainu

Usie naviny →
Usie naviny

HUBAZiK zajaviŭ pra zatrymańnie dvuch mahiloŭcaŭ: nibyta jany jechali ŭ krainu z pašpartami Novaj Biełarusi15

Ad čajavańnia z abarankami da piesień pra «hierojaŭ SVA». Jak Ruski dom prynosić u Hrodna ruski śviet17

Biełaruski viertalot Mi-24 źbiŭ rasijski bieśpiłotnik, jaki lacieŭ va Ukrainu8

Zabojstva pałkoŭnika SBU ŭ Kijevie ździejśnili hramadzianie Azierbajdžana6

Žychary ahraharadka źviarnulisia da Łukašenki: dziciačy sadok zakryvajuć, a małych, navat dvuchhadovych, buduć vazić za 20 km10

Jak žyvie prosty minski zvarščyk, jaki vyjhraŭ try miljony rubloŭ5

Kudy addać sioleta svaich dziaciej, kab jany vučylisia pa-biełarusku1

Krainy ES pahadzilisia źnizić cenavaje abmiežavańnie na rasijskuju naftu na 15 %

U Francyi źniavoleny zmoh źbiehčy z turmy — jaho vynies u sumcy sukamiernik, jaki vyzvaliŭsia

bolš čytanych navin
bolš łajkanych navin

Tramp: 17 sistem Patriot adpravim va Ukrainu8

Tramp: 17 sistem Patriot adpravim va Ukrainu

Hałoŭnaje
Usie naviny →

Zaŭvaha:

 

 

 

 

Zakryć Paviedamić