U Miorskim rajonie piacihadovaja dziaŭčynka pravaliłasia ŭ zatopleny padvał i zahinuła
Trahiedyja adbyłasia dniom 8 krasavika. Jak paviedamlaje Śledčy kamitet, dzieci hulali ŭ dvary pryvatnaha doma ŭ Miorskim rajonie. U niejki momant piacihadovaja dziaŭčynka źnikła z-pad uvahi i, jak akazałasia, patrapiła ŭ biadu.
08.04.2023 / 16:39
Zatopleny padvał, u jakim zahinuła dziaŭčynka. Fota: pres-słužba Śledčaha kamiteta
«Mama stała šukać dzicia i zaŭvažyła, što list DVP, jaki zakryvaŭ uvachod u padvał składskoha pamiaškańnia, adsunuty.
Padyšoŭšy bližej, žančyna ŭbačyła žudasnuju karcinu: cieła svajho dziciaci ŭ zatoplenym padvale. Niežyvoje cieła dziaŭčynki z vady dastaŭ susied, jaki prybieh na dapamohu,
— paviedamlaje Śledčy kamitet. — Papiarednie ŭstanoŭlena, što padvał zapoŭnieny vadoj bolš čym napałovu, a jaho hłybinia składaje kala dvuch mietraŭ. Sa słoŭ svajakoŭ, dziaŭčynka viedała pra zatopleny padvał».
Ciapier na miescy zdareńnia pracuje śledča-apieratyŭnaja hrupa. Jana apytvaje svajakoŭ i susiedziaŭ zahinułaj. Pryznačanaja sudova-miedycynskaja ekśpiertyza.
Čytajcie taksama:
Žychar Karmy išoŭ pieššu dadomu i zahruz u hrazi. Jaho vyciahvali ratavalniki
U Minsku pjany kiroŭca zajechaŭ u Śvisłač FOTA
Z-za pavodki pad Turavam hinuć turapadobnyja byki, zaviezienyja z-za miažy