Baćku rasijskaj dziaŭčynki, jakaja zrabiła antyvajenny malunak, ekstradziravali z Žodzina ŭ Rasiju
Alaksieja Maskalova, jaki ŭtrymlivaŭsia ŭ turmie № 8 u Žodzinie, ekstradziravali ŭ Rasiju, raspavioŭ jaho abaronca.
12.04.2023 / 13:16
Na Alaksieja Maskalova zaviali kryminalnuju spravu ab paŭtornaj «dyskredytacyi armii» paśla taho, jak jaho dačka Maša namalavała antyvajenny malunak na ŭroku vyjaŭlenčaha mastactva.
28 sakavika Maskalova asudzili da dvuch hadoŭ kałonii, ale jon źbieh z-pad chatniaha aryštu. U noč na 30 sakavika jaho zatrymali ŭ Minsku.
Mašu adpravili ŭ prytułak, ciapier jana nibyta znachodzicca z maci, jakaja raniej admoviłasia ad jaje vychavańnia, adnak infarmacyja pra heta zychodzić tolki ad aficyjnych rasijskich uład. Dziaŭčynku daŭno nichto nie bačyŭ.
Pravaabroncy prasili nie ekstradziravać Maskalova ŭ Rasiju.