Łukašenka padpisaŭ ukaz ab PVT: u struktury parka źjavicca kirujučaja kampanija
12 krasavika Alaksandr Łukašenka padpisaŭ ukaz №102 «Ab raźvićci Parka vysokich technałohij». Zaraz u struktury PVT źjavicca kirujučaja kampanija, jakaja budzie zajmacca «intensiŭnym stratehičnym raźvićciom».
13.04.2023 / 07:45
«Kirujučaja kampanija budzie pradstaŭlać PVT pry ŭzajemadziejańni z zamiežnymi partniorami, akazvać rezidentam parka sadziejničańnie ŭ pašyreńni ekspartu, vychadzie na novyja rynki i pryciahnieńni zamiežnych inviestycyj».
Vyznačyć jurydyčnuju asobu pavinien budzie ŭrad.
Pry hetym usie ŭmovy dziejnaści ŭ parku — pravavyja, padatkovyja, finansavyja — zachoŭvajucca na raniejšym uzroŭni bieź jakich-niebudź źmianieńniaŭ. U poŭnym abjomie zachoŭvajucca i paŭnamoctvy naziralnaj rady PVT, dla zabieśpiačeńnia dziejnaści jakoj budzie sfarmiravany sakrataryjat.
U dakumiencie taksama skazana, što zaraz administracyja PVT budzie rearhanizavana «šlacham dałučeńnia» da naziralnaj rady PVT.
Siarod inšaha sakrataryjat naziralnaj rady budzie ažyćciaŭlać uzajemadziejańnie z vajskovymi kamisaryjatami, arhanizacyjami Uzbrojenych sił, a taksama inšych voinskich farmiravańniaŭ pa pytańniach pryzyvu na słužbu rabotnikaŭ rezidentaŭ PVT.
Dziejnaść sakrataryjata naziralnaj rady PVT finansujecca ŭ tym liku «za košt adličeńniaŭ, jakija pravodziacca rezidentami PVT.
Admietna, što šeść padpunktaŭ ukaza schavana pad hryfam «Dla słužbovaha karystańnia».
Łukašenka zajaviŭ, što rychtujucca źmieny ŭ rehulavańni pracy PVT