Łukašenka zajaviŭ, što rychtujucca źmieny ŭ rehulavańni pracy PVT
Na razhlad Alaksandra Łukašenki ŭniesienyja prajekty pravavych aktaŭ ab raźvićci PVT, u jakich zakładzieny «niestandartny padychod». Pra heta išła havorka na naradzie, pieradaje BIEŁTA.
«Mnie ŭniesienyja prajekty pravavych aktaŭ ab raźvićci Parka vysokich technałohij. Padychod niestandartny. Ale ŭ hetaj śfiery praktyčna zaŭsiody patrebnyja niejkija kreatyŭnyja rašeńni», — zajaviŭ Łukašenka.
Jakija źmieny čakajuć PVT, nie paviedamlajecca.
Łukašenka śćviardžaje, što havorka idzie «pra druhoje dychańnie i raniej niedastupnyja haryzonty dla parku, dy i ŭsioj biełaruskaj IT-haliny». «Treba asvoić novyja rynki, zamiaścić zachodnija inviestycyi azijackimi», — abaznačyŭ aryjenciry Alaksandr Łukašenka.
«I naohuł, kali niedzie stvarajecca dastojny pradukt, jakija b ni byli pieraškody, płaty i pieraškody, hety pradukt budzie zapatrabavany, jaho kupiać», — raspavioŭ Łukašenka.
«Ciapier naš PVT, jaki doŭhi čas aŭtarytetnyja śpiecyjalizavanyja vydańni nazyvali «rajem dla prahramistaŭ» i «Kremnijevaj dalinaj Uschodniaj Jeŭropy», chočuć zadušyć ekanamična. Takija sproby robiacca», — śćviardžaje Łukašenka.
Praz falsifikacyju vybaraŭ, hvałt paśla ich i suahresiju Biełarusi z Rasijaj suprać Ukrainy bujnyja ajci-kampanii i sami ajcišniki źjazdžajuć z krainy. U 2022 hodzie IT-siektar straciŭ bolš za 16,5 tysiačy śpiecyjalistaŭ.
Namieśnik dyrektara PVT paśla sustrečy z Łukašenkam: Pierahortvajem staronku i pracujem na stvareńnie ekanamičnaj mocy
Łukašenka: Ja stajaŭ la vytokaŭ pracy emiratcaŭ pa štučnym intelekcie
Hałoŭnaja IT-VNU krainy raspaviała, kolki studentaŭ płanuje nabrać sioleta
«Ajcišniki nie buntujuć, nu i chren ź imi». Libier pra Jančeŭskaha, Bahracova i Dobkina
Ź Biełarusi sychodziać jašče dźvie viadomyja IT-kampanii
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii7
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii
Biełaruskija biznesmieny śpiešna pradajuć doli ŭ svaich polskich transpartnych kampanijach. Što adbyvajecca?2
Kamientary
Vied́, vysokije tiechnołohii, nievozmožny v sistiemie tierrora, rieprieśsii, uzakoniennoho biezzakonija i otkata k kamiennomu vieku !