Ілля Міронаў, які падаў заяву ў СК на Азаронка, хоча прыцягнуць да адказнасці і Мукавозчыка
Нагодай для заявы Іллі Міронава ў СК на аўтара «СБ.Беларусь сегодня» Андрэя Мукавозчыка стаў матэрыял пад назвай «Беглые шокированы тем, как жизнь реагирует на их старания её раскачать», піша Homelday.
17.04.2023 / 14:07
Прапагандыст Андрэй Мукавозчык. Кадр з відэа
На думку Міронава, у гэтым артыкуле аўтар заклікае да дзеянняў, накіраваных на распальванне нянавісці, варожасці, а таксама прыніжэнне годнасці групы асобаў па прыкметах прыналежнасці да пэўнай сацыяльнай групы.
У артыкуле Мукавозчык, калі ў агульных рысах, кажа пра тое, што
любы нязгодны з палітыкай Лукашэнкі беларус здольны прынесці выбухоўку нават у дзіцячы садок, краму ці на плошчу, а таму пра такіх людзей трэба паведамляць «куда следует, чтобы потом к ним не приходилось применять высшую меру социальной защиты».
У сваёй заяве ад 14 кастрычніка Міронаў просіць пачаць праверку ў дачыненні да Мукавозчыка па факце наяўнасці ў яго артыкуле складу злачынства, прадугледжанага ч. 1 арт. 130 Крымінальнага кодэкса Беларусі, і пры пацвярджэнні яго наяўнасці, адкрыць крымінальную справу адносна гэтай асобы. У якасці пакарання артыкул прадугледжвае да 5 год абмежавання волі ці зняволення.
Ілля Міронаў — вядомы ў Гомелі актывіст, які напісаў некалькі тысяч лістоў палітвязням, сам — былы палітвязень. На пачатку лютага 2023 года ўлады ўнеслі яго ў «спіс экстрэмістаў».
У студзені гэтага года Міронаў аднёс заяву ў Следчы камітэт з просьбай адкрыць крымінальную справу ў дачыненні да Рыгора Азаронка.
Чытайце таксама:
Яўген Смарыгін: Мукавозчык вечна быў жлоб
«Робяць гэта тыя, хто ў нашых шэрагах». Мукавозчык папракае прапагандыстаў за баязлівасць
Красамоўна. Што лукашэнкаўскія каналы напісалі пра выбухі ў Мачулішчах