«Absalutna nieprymalnyja aficyjnyja kantakty z «DNR-ŁNR». U Viarchoŭnaj Radzie prakamientavali adklikańnie ambasadara z Biełarusi
Adklikańnie ambasadara Ukrainy ŭ Biełarusi Ihara Kizima dla kansultacyj — surjozny sihnał dla Alaksandra Łukašenki, jaki pajšoŭ na pravakacyju. Pra heta «Lusterku» zajaviŭ kiraŭnik Kamiteta Viarchoŭnaj Rady Ukrainy pa zamiežnaj palitycy i mižparłamienckim supracoŭnictvie Alaksandr Mieražko.
19.04.2023 / 14:36
Staršynia Kamiteta Viarchoŭnaj rady Ukrainy pa źniešniaj palitycy i mižparłamienckim supracoŭnictvie Alaksandr Mieražko. Fota: partyja «Słuha naroda»
«Dla Ukrainy absalutna nieprymalnyja jakija-kolviek aficyjnyja kantakty jakoj-kolviek dziaržavy z padkantrolnymi Rasii terarystyčnymi arhanizacyjami «DNR-ŁNR». Pa sutnaści, «DNR-ŁNR» — terarystyčnyja instrumienty i faktyčnyja orhany Rasii. Krok Łukašenki — naŭmysnaja pravakacyja na miažy pryznańnia tak zvanych DNR-ŁNR. Ukraina nie moža padtrymlivać dypłamatyčnyja adnosiny ź dziaržavami, jakija pryznajuć «DNR-ŁNR», — adznačyŭ Mieražko.
Na jahonuju dumku, adklikańnie ambasadara Ukrainy ŭ Biełarusi Ihara Kizima dla kansultacyj — surjozny sihnał dla Alaksandra Łukašenki, jaki pajšoŭ na pravakacyju.
Aficyjny Kijeŭ adklikaŭ ambasadara Ukrainy ŭ Biełarusi Ihara Kizima dla kansultacyj. Heta adbyłosia paśla sustrečy Alaksandra Łukašenki z kiraŭnikom samaabvieščanaj DNR Dzianisam Pušylinym. U MZS Ukrainy heta nazvali «čarhovym i aburalnym niedružalubnym aktam z boku Respubliki Biełaruś, skiravanym na padtrymku dziaržavy-ahresara RF».
Alaksandr Łukašenka dahetul nie pryznaŭ na aficyjnym uzroŭni samaabvieščanyja ŁDNR.