Птушкі нярэдка сутыкаюцца з шыбамі, асабліва падчас міграцый. Як ім памагчы ўратавацца?
Тэлеграм-канал «Дзікая прырода побач» дае парады людзям, якім чынам можна дапамагчы птушкам пазбегнуць недарэчнай пагібелі.
20.04.2023 / 22:59
Берасцянка. Фота ілюстрацыйнае
Можна павесіць звонку шнуры (лепш браць парашутны шнур) на адлегласці 10 см адзін ад другога. Гэта не псуе віду з акна, але затое адпужвае птушак ад шкла.
Можна наклеіць звонку на шкло белыя налепкі-кропкі па так званым «правіле далоні»:
- па вертыкалі інтэрвал ад кропкі да кропкі павінен быць не большы за 5 см;
- па гарызанталі паміж кропкамі павінна быць не больш за 10 см.
Калі на акне ёсць маскітная сетка — вельмі добра! Яна таксама дапамагае птушцы заўважыць акно.
Калі птушка ўсё ж наляцела на шыбу і ляжыць нерухома, можа быць, яна толькі аглушаная. Варта пакласці такую птушку ў цёмную скрынку на гадзіну, і калі яна ачуняе — выпусціць на волю. Карміць ці паіць яе не трэба.
Чытайце таксама:
У Магілёве масава паміраюць чайкі. Што можа быць прычынай? Ёсць некалькі версій
Глускія энергетыкі перасялілі бусла, з-за якога ў вёсцы прападала электрычнасць