Na Biełharad upała bomba z rasijskaha Su-34 — Minabarony Rasii
Ministerstva abarony Rasii pryznała, što bombu na rasijski abłasny centr Biełharad skinuŭ rasijski samalot.
21.04.2023 / 01:20
«Uviečary 20 krasavika pry vykanańni palotu samalota Su-34 VKS nad horadam Biełharad adbyŭsia niaštatny schod avijacyjnaha bojeprypasu. Jość paškodžańni žyłych budynkaŭ, achviar niama. Pravodzicca rasśledavańnie», — havorycca ŭ zajavie Ministerstva abarony Rasii.
Jaki mienavita snarad upaŭ z rasijskaha samalota na Biełharad, viedamstva nie ŭdakładniaje.
Hubiernatar Biełharodskaj vobłaści Viačasłaŭ Hładkoŭ paviedamiŭ, što dva čałavieki ŭ vyniku hetaha atrymali ranieńni.
«Žančyna z čerapna-mazhavoj traŭmaj u stanie siaredniaj stupieni ciažkaści dastaŭlena ŭ haradskuju balnicu №2. Druhaja žančyna z drapinami ad špitalizacyi admoviłasia, usia nieabchodnaja miedycynskaja dapamoha akazanaja na miescy», — napisaŭ Hładkoŭ.
Akramia taho, pavodle biełharadskaha hubiernatara, byli paškodžanyja čatyry kvatery šmatkvaternaha doma pa vulicy Šałandzina i čatyry aŭtamabili.
Čytajcie taksama:
U rasijskim Biełharadzie prahrymieŭ mocny vybuch, paškodžanaja častka doma