U Homieli i Mazyry zafiksavali jarkuju ŭspyšku. Adnačasova jaje bačyli i na poŭnačy Ukrainy. Što heta było?
Biełaruskija naziralniki, pavodle vydańnia «Fłahštok», jaki pieršy paviedamiŭ pra zdareńnie, zaŭvažyli śvietłavy społach — žoŭta-siniaha abo žoŭta-zialonaha koleru. Z Homiela ŭspyška nazirałasia ŭ napramku poŭdnia, u Mazyry — u paŭdniova-ŭschodnim kirunku. Hety efiekt byŭ zaŭvažny kala troch siekund.
Prykładna ŭ toj ža samy čas mnostva ludziej zafiksavali padobny efiekt nad Kijevam, u Kijeŭskaj i Žytomirskaj abłaściach.
Kiraŭnik Ofisa prezidenta Ukrainy Andrej Jarmak zrazu napisaŭ u telehramie, što heta pracuje ŭkrainskaja SPA (jakraz tady Kijeŭ pačali abstrelvać rasijskimi rakietami), ale nieŭzabavie vydaliŭ svoj dopis.
Paśla načalnik Kijeŭskaj haradskoj vajskovaj administracyi Siarhiej Papkoŭ patłumačyŭ toje, što adbyłosia, padzieńniem spadarožnika NASA.
«Kala 22:00 19 krasavika ŭ miežach Kijeva ŭ niebie nazirałasia jarkaje śviačeńnie pavietranaha abjekta. Pavodle papiaredniaj infarmacyi, heta źjava stała vynikam padzieńnia na ziamlu kaśmičnaha spadarožnika NASA. Kab paźbiehnuć achviar ad padzieńnia na ziamlu abłomkaŭ, była abvieščanaja pavietranaja tryvoha. SPA nie pracavała», — pryvodziacca słovy Papko ŭ telehram-kanale vajskovaj administracyi Kijeva.
Adnak u NASA zajavili, što paviedamleńni ab padzieńni ich spadarožnika nie adpaviadajuć rečaisnaści.
Na pačatku hetaha tydnia viedamstva paviedamiła, što navukova-daśledčy spadarožnik RHESSI, jaki adsłužyŭ svoj termin, uvojdzie ŭ ziamnuju atmaśfieru ŭ sieradu.
Adnak, jak zajaviŭ Bi-bi-si pradstaŭnik NASA pa suviaziach z hramadskaściu Rob Marhieta, u toj čas, kali nad Kijevam nazirałasia ŭspyška śviatła, spadarožnik usio jašče znachodziŭsia na arbicie. Nijaki inšy spadarožnik NASA taksama nie ŭvachodziŭ u atmaśfieru ŭ pakazany čas, paviedamiŭ Marhieta.
Navukovaja supołka the Alpha Centauri nastojvaje na tym, što zaŭvažany nad Kijevam abjekt nie moh byŭ spadarožnikam.
«Nad Kijevam nie hareŭ spadarožnik NASA. Siońnia ŭ atmaśfieru sapraŭdy pavinien byŭ uvajści aparat NASA RHESSI, jaki naziraŭ za soniečnymi ŭspyškami z 2002 pa 2018 hod. Ale trajektoryja jaho padzieńnia vielmi, vielmi dalokaja ad Ukrainy», — zajavili ŭ supołcy.
Tam zaklikali Kijeŭskuju vajennuju administracyju lepš praviarać infarmacyju.
Siońnia rankam Pavietranyja siły USU paviedamili, što nie majuć dačynieńnia da ŭčorašniaj uspyški. Abjekt, jaki ŭspychnuŭ u niebie nad Homielem i Kijevam, byŭ mietearytam albo spadarožnikam, zajavili Pavietranyja siły USU.
Pakul samaja vierahodnaja viersija, što naziranaja źjava mahła być padzieńniem mietearyta.
Pamiatajecie «paśpiachovuju miljanierku» Zareckuju? Vyhladaje, što jaje kampanija — usio19
Kamientary
ponimajetie
ja nikohda.
nie žieniuś na
ukraincie