У Мінску ў гадавіну Чарнобыля перакрыюць вуліцу. У чым прычына?
Масавае мерапрыемства пройдзе ў Мінску недалёка ад Татарскага сквера.
22.04.2023 / 14:24
Помнік Васілю Ігнаценку ў Брагіне. Фота з Вікіпедыі
З-за гэтага вырашана перакрыць рух транспарту па вуліцы Ігнаценкі ад вуліцы Ціміразева да вуліцы Тарханава, гэта значыць побач з Саборнай мячэццю Мінска. Забарона будзе дзейнічаць 26 красавіка з 8: 00 да 12:00.
«… У сувязі з правядзеннем масавага мерапрыемства», — сказана ў рашэнні Мінгарвыканкама.
У дакуменце не ўдакладняецца, што менавіта за мерапрыемства пройдзе ў гэтым месцы. У мусульманскім календары ў гэты дзень няма вялікіх святаў. 26 красавіка — Міжнародны дзень памяці аб чарнобыльскай катастрофе. А вуліца, дзе перакрыюць рух, названая ў гонар Васіля Ігнаценкі, ураджэнца Гомельскай вобласці, выказвае здагадку «Спутнік».
Ігнаценка працаваў пажарным на Чарнобыльскай АЭС і быў адным з тых, хто тушыў пажар на станцыі ў ноч з 25 на 26 красавіка 1986 года. Атрымаўшы вялікую дозу апраменьвання, памёр 13 мая таго ж года. Пахаваны ў Маскве. У 2006 годзе яму пасмяротна прысвоілі званне Героя Украіны.
Святлана Ціханоўская заклікала беларусаў замежжа выходзіць на Чарнобыльскі шлях у сваіх гарадах
Для захавання радыеактыўных адкідаў разглядаюцца тры варыянты