Святлана Ціханоўская заклікала беларусаў замежжа выходзіць на Чарнобыльскі шлях у сваіх гарадах
У наступную сераду будуць адзначацца 37-я ўгодкі Чарнобыльскай катастрофы.
«Вы, напэўна, як і я — дзіцё Чарнобыля. І вы ўжо ведаеце, што зараз дыктатары збіраюцца размясціць у Беларусі расійскую ядзерную зброю. Таму я заклікаю ўсіх, хто цяпер знаходзіцца ў фізічнай бяспецы. Палітыкі, актывісты, журналісты, прадпрымальнікі, айцішнікі, студэнты і пенсіянеры, — выходзьце на акцыі 26 красавіка, у дзень Чарнобыльскай трагедыі, у сваім горадзе. Вялікія акцыі ўжо запланаваныя ў Вільні і Варшаве. Далучайцеся да акцыяў у гэтых гарадах ці арганізоўвайце іх у сваіх, каб гучна і публічна заявіць — беларусы супраць ядзернай зброі», — заявіла сёння Святлана Ціханоўская.
У 1996—2019 годах Чарнобыльскі шлях рэгулярна ладзіўся ў Мінску. У 2020 годзе ён быў адменены з-за кавіду, у 2021-м сілавікі нагналі ў цэнтр Мінска спецтэхнікі і не далі магчымасці сабрацца. У 2022 годзе заяўка была пададзена, але акцыя не праводзілася.
Мінчанка выбіла пярэднія зубы на самакаце, страціла праз гэта мужа, але цяпер збірае мільёны праглядаў у тыктоку3
Каментары