Kamandujučy Uschodniaj hrupoŭkaj vojsk USU patłumačyŭ, čamu jany praciahvajuć utrymlivać Bachmut
Bai za Bachmut ciahnucca ŭžo 9 miesiacaŭ. Kamandujučy Uschodniaj hrupoŭkaj vojsk USU hienierał-pałkoŭnik Alaksandr Syrski ŭ intervju «Interfaks-Ukraina» kaža, što hetyja bai majuć važnaje značeńnie nie tolki dla RF, ale i dla Ukrainy.
25.04.2023 / 21:56
Alaksandr Syrski. Fota: Minabarony Ukrainy.
Syrski tłumačyć, što na praciahu niekalkich miesiacaŭ na hetym kirunku jany strymlivajuć nastup voraha i nie dajuć jamu pavialičvać front. Akramia taho, nanosiać rasijskaj armii značnyja straty — źniščajucca samyja prafiesijnyja rasijskija padraździaleńni, uzbrajeńnie i vajennaja technika.
Dalejšaje ŭtrymańnie Bachmuta, pa słovach Syrskaha, maje važnaje značeńnie dla abarony Ukrainy pa niekalkich pryčynach:
- horad źjaŭlajecca važnym vuzłom abarony, utrymańnie jakoha zabiaśpiečvaje ŭstojlivaść abarony hrupoŭki vojsk u cełym;
- Bachmut źjaŭlajecca ŭdała raźmieščanaj pryrodnaj krepaściu, jakaja akružanaja rekami i raźmieščana na pahorkach, što spryjaie viadzieńniu abarony;
- taksama abaronie horada spryjaie najaŭnaść šmatpaviarchovaj zabudovy i raźvitaja infrastruktura na levym bierazie raki Bachmutoŭka, dzie viaduć abaronu ŭkrainskija vojski;
- boj pa avałodańni horadam źjaŭlajecca śpiecyfičnym vidam bajavych dziejańniaŭ, jaki patrabuje asablivych navykaŭ i stvaraje ciažkaści dla vojsk, jakija viali nastup va ŭmovach lesastepu;
- Bachmut źjaŭlajecca častkaj Kanstancinaŭska-Kramatorskaj ahłamieracyi, utrymańnie jakoj vyklučaje vychad rasijskich sałdat u fłanh i tył hrupovak ukrainskich vojskaŭ na Lisičanskim i Danieckim napramkach.
Dla Rasii, adznačaje Syrski, bai za Bachmut jak druhaja «bitva za Stalinhrad», tamu Rasija nie škaduje resursaŭ.
U Rasii znajšli ŭžo siem mohiłak, na jakich masava chavajuć zahinułych vahnieraŭcaŭ
Z sakretnych amierykanskich dakumientaŭ stali viadomy straty ŭkrainskaj armii