Rasija pierakidaje ŭ Bachmut padraździaleńni rehularnych vojsk z-za vialikich strat u šerahach PVK «Vahnier»
Rasija kidaje ŭ boj za Bachmut u tym liku desantnikaŭ z rehularnych vojsk. Pra heta ŭ efiry telemarafonu raspavioŭ śpikier Uschodniaj hrupoŭki vojskaŭ USU Siarhiej Čaravaty, pryvodzić jaho słovy hromadske.ua.
Čaravaty adznačyŭ, što pakul rasijanie majuć istotnuju pieravahu ŭ artyleryi na kirunkach, dzie jany zasiarodžvajuć svaje hałoŭnyja ŭdary. Da hetaha jany vykarystoŭvali piachotnyja hrupy, sprabujučy znajści słabyja miescy ŭ abaronie ŭkraincaŭ.
Samaj ahresiŭnaj hrupoŭkaj u rasijskich siłach Čaravaty nazyvaje vahnieraŭcaŭ, jakija matyvavanyja tym, što nie mohuć viartacca nazad. Ale, pa jaho słovach, hetaja pryvatnaja vajskovaja kampanija niasie vialikija straty, tamu rasijanie vymušanyja pryciahvać u Bachmut rehularnyja vojski, u tym liku desantnikaŭ i motastrałkoŭ.
«Heta vymušanaja ich miera. Heta jakraz sistemnyja i vielizarnyja straty, faktyčna kala sotni ci bolš za sotniu štosutačna, kali ličyć tolki zabitych», — skazaŭ śpikier USU.
Jon nahadaŭ, što ŭ vahnieraŭcaŭ taksama pačalisia prablemy ź viarboŭkaj asudžanych. Tak što heta samaja ahresiŭnaja hrupoŭka rasijskich sił svoj patencyjał pačała hublać.
Rasija z pačatku vajny straciła bolš za 10 tysiač adzinak bajavoj techniki. I heta nie acenki, a paćvierdžanyja ličby
Ukraina na miažy ź Biełaruśsiu raźmiaściła zienitna-rakietnyja kompleksy Avenger. Što za jany?
U picierskaj kaviarni padarvali prapahandysta Uładlena Tatarskaha. Vybuchoŭku, imavierna, schavali ŭ padoranaj załatoj statuetcy
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?8
Kamientary