U Białyničach rabotnica doma-internata krała hrošy z kartak starych i invalidaŭ
Białynicki rajonny addzieł Śledčaha kamiteta raspačaŭ kryminalnuju spravu suprać 30-hadovaj rabotnicy doma-internata, jakaja padazrajecca ŭ vykradańni hrošaj z kartak svaich pažyłych padapiečnych.
27.04.2023 / 22:18
Pa infarmacyi śledstva, ź vieraśnia pa śniežań 2022 hoda 30-hadovaja rabotnica doma-internata, zachodziačy ŭ niezačynieny kabiniet adnaho z kiraŭnikoŭ, nieadnarazova brała ź siejfa bankaŭskija kartki asob, jakija žyvuć va ŭstanovie, a potym zdymała hrošy ŭ bankamatach i prysvojvała ich.
Litaralna za try z pałovaj miesiacy žančyna takim čynam nazdymała hrošaj na ahulnuju sumu kala 35 tysiač rubloŭ.
Dziejańni supracoŭnicy ŭstanovy kvalifikavanyja śledstvam pa č. 4 art. 212 (kradziež majomaści šlacham madyfikacyi kampjutarnaj infarmacyi ŭ asabliva bujnym pamiery) Kryminalnaha kodeksa Respubliki Biełaruś.
Žančyna raniej nie sudzimaja, škodu jana na hety momant całkam kampiensavała.
Čytajcie taksama:
Machlary čyścili ludziam vientylacyju za 175 rubloŭ. Jość zvyš tysiačy paciarpiełych
U Hancavičach machlary złavili mužčynu na prynadu ŭ sotniu ruž