U Hrodnie znoŭ pryčapilisia da žančyny ŭ štanach z BČB
Luboŭ Sarłaj aštrafavali na 1110 rubloŭ.
28.04.2023 / 10:13
Fota z fejsbuka Lubovi Sarłaj
Jaje asudzili za nibyta raspaŭsiud ekstremisckich materyjałaŭ (art. 19.11 KaAP) da 30 bazavych vieličyń štrafu, paviedamlaje «Hrodzienskaja pravaabarona».
U Sarłaj taksama kanfiskavali mabilny telefon. Pastanovu ab štrafie i kanfiskacyi telefona aformiła suddzia Leninskaha rajonnaha suda Alena Piatrova.
Luboŭ stała šyroka viadomaj u horadzie nad Niomanam, kali ŭ studzieni 2021 hoda jaje aštrafavali za «ŭdzieł u niezakonnym masavym mierapryjemstvie», faktyčnaj pryčynaj zatrymańnia maładoj žančyny tady stali spartovyja pałasatyja portki ź bieł-čyrvona-biełaj hamaj.
Tady suddzia Leninskaha rajonnaha suda Rusłan Huryn prysudziŭ Lubovi 20 bazavych štrafu.
Vyjšaŭ na volu Andrej Nieściarovič
Žychara Vaŭkavyska zatrymali za toje, što jon nibyta «abraziŭ milicyjantaŭ z Dniapra»