Kolki i prasiŭ prakuror: u Minsku asudzili stryječnaha brata namieśnika kamandzira pałka Kalinoŭskaha
U Minskim haradskim sudzie 27 krasavika vyniesieny prysud pa kryminalnaj spravie palitźniavolenaha Siarhieja Frančuka, jakoha abvinavacili u abrazie Łukašenki (č. 1 art. 368 KK), abrazie pradstaŭnika ŭłady (art. 369), raspalvańni sacyjalnaj varožaści i varažniečy (č. 1 art. 130), a taksama ŭ arhanizacyi i padrychtoŭcy dziejańniaŭ, jakija hruba parušajuć hramadski paradak (č. 1 art. 342 KK), paviedamlaje «Viasna».
Spravu razhladaŭ sudździa Jaŭhien Pisarevič, dziaržabvinavaŭca — Ramanienka.
Siarhiej Frančuk — stryječny brat namieśnika kamandzira pałka Kastusia Kalinoŭskaha Vadzima Kabančuka. Byŭ zatrymany 9 žniŭnia 2022 hoda. Viadoma, što jaho zabrali z kvatery baćkoŭ u Babrujsku, dzie mužčyna žyŭ apošnim časam. U hety dzień baćki Siarhieja byli na leciščy, i 5 čałaviek ź minskaha AMAPa ŭvarvałasia ŭ kvateru, udaryli jaho pistaletam pa hałavie, praviali vobšuk, zabrali mabilny telefon, noŭtbuk i samoha Siarhieja Frančuka.
Cpačatku jon byŭ asudžany na 15 sutak nibyta za niepadparadkavańnie. Taksama źjaviłasia «videa», dzie Frančuk pryznajecca, što ŭdzielničaŭ u akcyjach pratestu 2020 hoda i rabiŭ kamientary ŭ «ekstremisckich» telehram-čatach. Pry hetym łob mužčyny zalepleny. Paśla zakančeńnia aryštu Siarhieja nie vypuścili na volu, a nakiravali ŭ minski izalatar na Akreścina.
Sud pačaŭsia 20 krasavika.
Pa materyjałach abvinavačańnia, Frančuk u adnym z telehram-čataŭ pakinuŭ abraźlivyja kamientary ŭ adras Juryja Karajeva i Alaksandra Łukašenki. Taksama 27 vieraśnia 2020 hoda prymaŭ aktyŭny ŭdzieł u niesankcyjanavanym masavym mierapryjemstvie ŭ Minsku na vulicy Bahdanoviča, vychodziŭ na prajeznuju častku vulicy, parušaŭ pracu hramadskaha transpartu. U jakaści dokazu vykarystanyja fotazdymki, znojdzienyja ŭ jahonym telefonie.
Dziaržabvinavaŭca kančatkova zaprasiŭ dla Siarhieja Frančuka try hady pazbaŭleńnia voli ŭ kałonii va ŭmovach ahulnaha režymu.
Sud pahadziŭsia z prapanovaj dziaržabvinavaŭcy i asudziŭ Frančuka na try hady pazbaŭleńnia voli ŭ kałonii va ŭmovach ahulnaha režymu.
Čytajcie taksami:
Vyjšaŭ na volu Andrej Nieściarovič
Žychara Vaŭkavyska zatrymali za toje, što jon nibyta «abraziŭ milicyjantaŭ z Dniapra»
-
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda
-
Ankołah Karanik vystupiŭ z dakładam ab zachavańni bujnoj rahataj žyvioły
-
Maładuju minskuju jurystku, jakaja ciapier zajmajecca dyzajnam interjeraŭ, asudzili za ŭdzieł u pratestach
Kamientary