U źniavolenaha palityka Mikałaja Kazłova pamierła maci
Pra śmierć maci palityka, staršyni AHP Mikałaja Kazłova paviedamlajuć pravaabaroncy. Palitviaźnia nie adpuścili z kałonii na pachavańnie.
09.05.2023 / 13:06
Mikałaj Kazłoŭ — palitviazień i staršynia AHP
Mikałaj — biełaruski palityk, staršynia Abjadnanaj hramadzianskaj partyi. 6 žniŭnia 2021 hoda jaho asudzili na 3 miesiacy aryštu za razhałošvańnie danych śledstva pa spravie Kaardynacyjnaj rady.
27 lipienia 2022 hoda jaho znoŭ zatrymali razam ź inšymi siabrami AHP, abvinavacili va ŭdziele ŭ «Maršy novaj Biełarusi» ŭ Minsku ŭ 2020 hodzie (art. 342 KK).
3 listapada Mikałaju prysudzili 2,5 hoda kałonii.
Niekalki dzion tamu pamierła maci taksama ŭ inšaha palitźniavolenaha palityka — Andreja Dźmitryjeva.
Čytajcie taksama:
U kałonii pamior palitviazień — pinski błohier Mikałaj Klimovič