U kałonii pamior palitviazień — pinski błohier Mikałaj Klimovič
Palitźniavoleny błohier ź Pinska pamier u viciebskaj kałonii № 3, paviedamlaje «Viasna». Jamu byŭ 61 hod.
![](http://nashaniva.com/img/w840d4webp1/photos/z_2023_05/photo_2023-05-07160217-m8s97.jpeg.webp)
Mikałaja Klimoviča asudzili da hoda kałonii za karykaturu na Łukašenku. Taki prysud vynieśli, niahledziačy na toje, što jon mieŭ invalidnaść II hrupy pa sercy. Mužčynu aryštavali ŭ zale suda, bo da prysudu jon byŭ na voli.
Sudździoj pa spravie byŭ Andrej Byčyła, prakuroram — Ilja Huzarevič.
Mikałaja Klimoviča niadaŭna etapavali ŭ kałoniju, dzie jon u chutkim časie i pamior. Padrabiaznaści vyśviatlajucca.
Kamientary