Украінскія войскі пачалі падрыхтоўку да контрнаступу — CNN
Украінскія войскі пачалі «фармавальныя» аперацыі напярэдадні чаканага контрнаступe супраць расійскіх войскаў, паведамілі тэлекампаніі CNN двое высокапастаўленых заходніх вайскоўцаў.
12.05.2023 / 07:46
Фота: Канстанцін Лібераў, AP
Фармаванне ўключае нанясенне удараў па такіх цэлях, як склады зброі, камандныя цэнтры, бранятанкавыя і артылерыйскія сістэмы, і накіравана на падрыхтоўку поля бою для наступу. Гэта стандартная тактыка, якая ўжываецца перад буйнымі камбінаванымі аперацыямі.
Калі ў канцы мінулага лета Украіна пачала контрнаступ у паўднёвай і паўночна-ўсходняй частках краіны, яму таксама папярэднічалі паветраныя атакі. Па словах высокапастаўленага амерыканскага ваеннага чыноўніка, гэтыя аперацыі па фарміраванні поля бою могуць працягвацца на працягу многіх дзён да пачатку асноўнай часткі запланаванага наступу.
Такія аперацыі таксама могуць быць накіраваны на заблытанне праціўніка.
Уладзімір Зяленскі раней заявіў, што Украіне трэба «яшчэ трохі часу», перш чым пачаць контрнаступ, каб у краіну паспела паступіць абяцаная заходняя вайсковая дапамога.
Чытайце таксама:
Украінскім войскам удалося прарваць пазіцыі расійскай арміі пад Бахмутам — расійскія ваенкары
Прыгожын: Контрнаступ украінцаў ужо ідзе поўным ходам
Зяленскі верыць у перамогу Украіны да выбараў у ЗША 2024 года