Кіраўнік ПВК «Вагнер» абвясціў, што ўкраінскі контрнаступ, якога чакаюць апошні месяц, ідзе поўным ходам». «Падраздзяленні УСУ заходзяць у флангі, і на жаль, у частцы месцаў гэта паспяхова ў іх атрымліваецца», — заявіў Прыгожын.
Ён паабяцаў, што калі ўкраінскае войска праломіць бахмуцкі кірунак, то пойдзе на тэрыторыю Расіі: «Ім трэба спачатку разабрацца з Арцёмаўскім кірункам, з ПВК «Вагнер», скончыць гэтую гісторыю, і пасля гэтага на ўздыме з усім баявым духам ісці ў Запарожжа, Бранскую і Белгарадскую вобласць».
На чым ён засноўвае такія высновы, незразумела. Украінскія ўлады шмат разоў падкрэслівалі, што хочуць вярнуць свае тэрыторыі, уключаючы Крым, але не збіраюцца захопліваць чужыя.
«ПВК «Вагнер» працягвае выконваць баявыя задачы ў жудасным снарадным голадзе, бо абяцанні Мінабароны не выкананыя», — дадаў Прыгожын.
На голад з боепрыпасамі кіраўнік ПВК скардзіцца даўно. Раней ён запісваў грубыя звароты да Мінабароны, патрабуючы боепрыпасаў і абяцаючы сысці з пазіцый, калі снарадаў не дадуць.
Пасля параду на Краснай плошчы 9 мая ён пайшоў яшчэ далей і нецэнзурна выказаўся пра «шчаслівага дзядулю», дзеянні якога пагражаюць паражэннем Расіі ў вайне.
Цяпер чытаюць
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца6
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1212
Каментары