Hetaja kraina dazvoliła biełarusam i rasijanam udzielničać u čempijanacie śvietu pa fiechtavańni
Urad Italii dazvoliŭ 11-i fiechtavalščykam z Rasii i Biełarusi vystupać u jakaści niejtralnych spartśmienaŭ na čempijanacie śvietu ŭ Miłanie.
25.05.2023 / 16:12
Džavani Małaha, prezident Nacyjanalnaha alimpijskaha kamiteta Italii i člen Mižnarodnaha alimpijskaha kamiteta (MAK), pacvierdziŭ, što palityki nie buduć pieraškadžać pryjezdu spartśmienaŭ, piša «Trybuna».
U adkaz na vajnu, jakaja z 24 lutaha 2022-ha praciahvajecca Rasijaj va Ukrainie z vykarystańniem terytoryi Biełarusi, MAK 28 lutaha 2022 hoda apublikavaŭ rekamiendacyju adchilić pradstaŭnikoŭ Rasii i Biełarusi ad mižnarodnych spabornictvaŭ, jak i zrabiła bolšaść suśvietnych fiederacyj pa vidach sportu.
28 sakavika 2023 hoda MAK abviasciŭ, što z hetaha momantu rekamienduje dapuskać da mižnarodnych spabornictvaŭ biełaruskich i rasijskich indyvidualnych atletaŭ u niejtralnym statusie, kali takija spartśmieny nie dapuskali «aktyŭnaj padtrymki» vajny va Ukrainie, a taksama nie majuć kantraktu z vajennymi abo siłavymi viedamstvami Biełarusi ci Rasii.
Čytajcie taksama:
Mižnarodnaja fiederacyja łyžnaha sportu praciahnuła adchileńnie rasijan i biełarusaŭ
MAK choča, kab u Alimpijskich hulniach udzielničali atlety z usich krain — ŚMI
Kančatkova: biełaruskich spartoŭcaŭ nie dapuściać da II Jeŭrapiejskich hulniaŭ