MAK choča, kab u Alimpijskich hulniach udzielničali atlety z usich krain — ŚMI
Mižnarodny alimpijski kamitet u sakaviku hetaha hoda častkova źniaŭ sankcyi z rasijskich i biełaruskich spartoŭcaŭ, ale da niekatorych turniraŭ jany mohuć być dapuščanyja ŭ niejtralnym statusie.
Spartsmieny ŭsich krain pavinny być dapuščanyja da mižnarodnych spabornictvaŭ, u tym liku da Alimpijskich hulniaŭ, zajaviŭ prezident MAK Tomas Bach. Pra heta piša rasijski «Sputnik» sa spasyłkaj na bałharskaje vydańnie «Blic sport».
Jon nahadaŭ, što ŭ sakaviku hetaha hoda Kamitet daŭ rekamiendacyi mižnarodnym fiederacyjam dapuskać da spabornictvaŭ rasijskich i biełaruskich atletaŭ, jakija raniej znachodzilisia pad sankcyjami praz vajnu va Ukrainie.
Pry hetym spartsmieny buduć spaborničać u niejtralnym statusie, a ŭdzielničać u turnirach mohuć tolki tyja, chto nie padtrymlivaje vajnu.
«Rekamiendacyja MAK zaklučajecca ŭ tym, što spartsmieny ŭsich krain pavinny być dapuščanyja da ŭdziełu ŭ kvalifikacyjnych spabornictvach, jakija ŭžo prachodziać. Spadziajusia, što bolšaja kolkaść fiederacyj budzie vykonvać našy rekamiendacyi», — skazaŭ Bach.
Mižnarodny alimpijski kamitet pracuje, kab viarnuć biełarusaŭ i rasijan na mižnarodnyja spabornictvy, niahledziačy na reakcyju
«Abstaviny nie dazvalajuć pryniać inšaje rašeńnie». Hiermanija admoviłasia prymać spabornictvy z-za dopusku da ich rasijanak i biełarusak
Łukašenka choča, kab biełaruskich alimpijcaŭ dapuścili pad niejtralnym ściaham
Jak za biełaruskimi apazicyjanierami špijoniła madel Onlifans1
Kamientary