U Viciebsku siońnia ludzi vyjšli na pratesty. Ale suprać uładaŭ inšaj krainy
Jak śćviardžaje BiełTA, łatvijcy, jakija pražyvajuć u Biełarusi, siońnia vykazali pratest suprać vybarčaj sistemy ŭ ich krainie. Dziaržaŭnaje ahienctva apublikavała zdymki z akcyi.
31.05.2023 / 14:35
Pavodle BiełTA, hramadzianie Łatvii, jakija pražyvajuć u Biełarusi, 31 maja vyjšli na pikiet da konsulstva Łatvijskaj Respubliki ŭ Viciebsku, kab vykazać svaju niezadavolenaść łatvijskaj vybarčaj sistemaj.
«Miediazona. Biełaruś» zaŭvažyła, što ŭ rukach u «pratestoŭcaŭ» byli karykatury z praŭładnaj prapahandysckaj haziety «Minskaja praŭda».
U Łatvii siońnia adbylisia prezidenckija vybary.
Deputaty Siejma abrali prezidentam Łatvii šmathadovaha ministra zamiežnych spraŭ Edhara Rynkieviča, jaki vystupaje suprać dyktatarskaha režymu ŭ Biełarusi, zaklikaje da sankcyj suprać biełaruskich uładaŭ i padtrymlivaje demakratyčnyja siły Biełarusi.
Da hetaj akcyi «pratesty» ŭ Biełarusi byli ŭ Hrodnie. Tam suprać zakryćcia miežaŭ kala Hienkonsulstva Polščy vystupali niezadavolennyja «prostyja» palaki i «zvyčajnyja haradžanie».
Čytajcie taksama:
MUS nie znajšło parušeńniaŭ u skandalnaj karykatury ŭ «Minskaj praŭdzie»
«Nas nie zapuhať». Voś chto stvaraŭ prałukašenkaŭskija stykierpaki ŭ telehramie