Дачка Ціханоўскіх збірае грошы на танк, каб «вызваліць тату»
Святлана Ціханоўская на фестывалі «Яднайся» ў Варшаве расказала пра сваю сямейную сітуацыю ў сувязі з тым, што яна не толькі палітычны лідар, але і жонка палітвязня ды маці ягоных дзяцей.
14.06.2023 / 17:07
«У мяне ўнікальная сітуацыя, таму што вельмі рэдка акцэнтуюць увагу на тым, што я жонка палітвязня. Часта пра гэта забываюцца. І ты ніколі сабе не дазваляеш стаць слабой і сказаць, што табе таксама балюча. Што табе даводзіцца размаўляць з мамай Сяргея, размаўляць са сваімі дзецьмі.
Дачка падчас нашых рэдкіх сустрэч плача, кажа, што збірае ў скарбонку грошы на танк, каб ісці тату вызваляць з турмы. У старэйшага дзіцяці пераходны ўзрост, яму патрэбны бацька. Маці Сяргея ў цяжкім стане ў Гомелі», — падзялілася Святлана Ціханоўская асабістым.
Чытайце таксама:
Ці мог быць Ціханоўскі праектам Крамля? Разважае блогер Кабанаў