Грамадства3535

«Я не ведаю, ці ён жывы». Ціханоўская запісала зварот з нагоды трэцяй гадавіны затрымання яе мужа Сяргея

Сёння спаўняецца тры гады, як за кратамі знаходзіцца Сяргей Ціханоўскі. Блогера затрымалі ў Гродне 29 мая 2020 года на перадвыбарчым пікеце. З гэтай нагоды Святлана Ціханоўская запісала відэазварот, у якім прызнаецца ў любові да мужа і дзякуе беларусам за падтрымку.

Ціханоўская кажа, што заўсёды носіць з сабой тэчку з фатаграфіяй мужа. Калі суразмоўцы пытаюць яе, як маецца Сяргей, яна не ведае, што адказаць. 

«Я не ведаю, ці жывы ён. Ужо тры месяцы пра Сяргея няма ніякай інфармацыі», — гаворыць яна. 

Яшчэ ў лютым прапагандысты пускалі чуткі ў сваіх каналах аб тым, што ён памёр у турме. 

«І, вядома, бачачы такое, маё сэрца проста раздзіралася ад турботы за яго і яго жыццё», — сказала Ціханоўская. 

Ціханоўская кажа, што цяпер у месцах зняволення з палітвязнямі адбываюцца жудасныя рэчы.

«Цяпер у турмах з палітвязнямі робяцца сапраўдныя жахі. Нядаўна праз праблемы з сэрцам памёр Мікалай Клімовіч. Уладзімір Гундар цалкам аглух у карцары, а Вікторыю Кульшу душыў наглядчык. Я чытаю жудасныя навіны штодня, і ў гэты момант думаю пра Сяргея», — сказала яна.

Святлана Ціханоўская гаворыць, што хацела б вярнуцца дадому, быць разам з мужам і дзецьмі ў свабоднай Беларусі. 

«За наша з ім трохгадовае расстанне я пабывала ў такой колькасці краін, якую раней нават не магла сабе ўявіць. Хоць папраўдзе я мару вярнуцца дадому і жыць з Сяргеем і дзецьмі ў свабоднай Беларусі.

Усе гэтыя тры гады я трымаю сябе ў руках, калі мяне пытаюць пра самага роднага чалавека. Бо мала хто з тых, хто пытаецца, сапраўды разумее, што гэта такое. Але разумееце вы, мае шаноўныя», — кажа Святлана.

Яна кажа, што трымаецца дзякуючы беларусам. 

«Калі Сяргей патэлефанаваў мне з турмы, я сказала яму: я трымаюся дзякуючы беларусам. Так было тады, так ёсць і цяпер. Таму сёння я яшчэ раз хачу сказаць дзякуй усім вам: тым, хто верыць і падтрымлівае Сяргея; тым, хто верыць і падтрымлівае мяне; тым, хто падтрымлівае саміх сябе, сваіх блізкіх ці нават незнаёмых людзей, якія аказаліся ў цяжкай сітуацыі.

Пагадзіцеся, што падтрымка і клопат здольныя саграваць сэрцы нават у самыя цяжкія моманты. Таму я прашу вас берагчы адно аднаго, часцей дапамагаць і дзякаваць адно аднаму і ні ў якім разе не даваць абставінам пазбавіць вас эмоцый і пачуццяў», — сказала яна.

Прадпрымальнік і відэаблогер Сяргей Ціханоўскі меў намер удзельнічаць у прэзідэнцкіх выбарах 2020 года. Калі яго папулярнасць стала расці, то ў маі 2020 года яго затрымалі, а пазней асудзілі на 18 гадоў узмоцненага рэжыму.

У лютым гэтага года яму быў вынесены новы прысуд — у 1,5 года пазбаўлення волі па справе аб непадпарадкаванні патрабаванням адміністрацыі калоніі.

Каментары35

  • Мойша
    29.05.2023
    Не такі як ёсць, дарма чакаць ад мора пагоды))
  • Мойша
    29.05.2023
    У цябе Святлана ёсць шанец і зараз: адмоўся ад сваіх амбіцый прызнай паразу і тысячы вязняў выйдуць жывыя на волю і ў будучыні будзе шанец
  • Жвір
    29.05.2023
    Не такі як ёсць, дык калі вы аддалі свой магутны голас спадарыне Сьвятлане, чаму ж яна ў выгнаньні ? Як вы такое дазволілі ? А цяпер расказвайце, вучыце яе, што ёй рабіць, каб вас задаволіць...
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

У Расіі гучны скандал з пластычным хірургам з Беларусі — яе статусная пацыентка амаль аслепла пасля шараговай аперацыі5

У Расіі гучны скандал з пластычным хірургам з Беларусі — яе статусная пацыентка амаль аслепла пасля шараговай аперацыі

Усе навіны →
Усе навіны

18-гадовую расіянку ў Турцыі асудзілі на 15 гадоў за тое, што яна пакінула немаўля ў прыбіральні аэрапорта4

Беларускую 20-рублёвую манету прадаюць на аўкцыёне за 15 тысяч рублёў

Хлопец спявае пад дзвярыма былой дзяўчыны серэнады. Кепска ўсім1

У Польшчы беларуса судзяць за перавозку мігрантаў, што была 25 гадоў таму

Зяленскі: Крокам да завяршэння вайны можа стаць вызваленне ўсіх украінскіх палонных

Стала вядома пра арышт журналісткі Паліны Піткевіч4

Старэйшы сын Надзеі Скардзіна пачаў займацца біятлонам ФОТА7

Стала вядома, як будзе вяшчаць «Белсат» з сакавіка5

Прэзідэнт Літвы лічыць магчымым уступленне Украіны ў ЕС праз пяць гадоў6

больш чытаных навін
больш лайканых навін

У Расіі гучны скандал з пластычным хірургам з Беларусі — яе статусная пацыентка амаль аслепла пасля шараговай аперацыі5

У Расіі гучны скандал з пластычным хірургам з Беларусі — яе статусная пацыентка амаль аслепла пасля шараговай аперацыі

Галоўнае
Усе навіны →

Заўвага:

 

 

 

 

Закрыць Паведаміць