Papuhaja navučyli havaryć, i jon paskardziŭsia na bol u žyvacie
Daśledčyca Džen Kuńja navučyła svajho papuhaja razmaŭlać pry dapamozie «moŭnaj doški» — płanšeta z vyjavami roznych pradmietaŭ, na jakija ptuška moža naciskać jazykom.
14.06.2023 / 17:30
Skrynšot videa
Niadaŭna Džen dadała na došku častki cieła. U toj ža dzień jaje papuhaj, vykarystaŭšy płanšet, skazaŭ «žyvocik, oj!» i praciahvaŭ paŭtarać heta niekalki tydniaŭ. Z vyhladu papuhaj nie byŭ chvory, ale žančyna vyrašyła pierastrachavacca i źviarnułasia ŭ vieterynarnuju kliniku.
Kali vieterynar spytaŭ pra simptomy, Džen ščyra pryznałasia, što ptuška «skazała», što joj balić žyvot, praz admysłovy płanšet. U klinicy ździvilisia, ale prapanavali zdać bazavyja analizy. Jak vyjaviłasia, ptuška sapraŭdy zachvareła. Ciapier papuhaj prymaje antybijotyki.
Ad pačatku pryjomu lekaŭ papuhaj ani razu nie paskardziŭsia na bol u žyvacie, znoŭ pačaŭ hulać u svaje lubimyja hulni i navat moža skazać pry dapamozie doški, što pačuvajecca vydatna.
Čytajcie taksama:
Papuhajaŭ navučyli karystacca zumam, i jany pierastali pačuvacca samotna
Bitva nachabnaha papuhaja z katom za misku ježy raźviesialiła internet VIDEA