Papuhajaŭ navučyli karystacca zumam, i jany pierastali pačuvacca samotna
U dzikaj pryrodzie papuhai zvyčajna žyvuć vialikimi čarodami, ale ŭ jakaści chatnich žyvioł ich zvyčajna trymajuć paasobku abo nievialikimi hrupami.
Izalacyja i nuda mohuć vyklikać u ptušak psichałahičnyja prablemy. Papuhaj pačynaje niespakojna chadzić, hajdacca na miescy, ci navat vydzirać svajo pierje. Jak pakazali vyniki daśledavańnia, videazvanki mohuć palepšyć jakaść žyćcia chatniaha papuhaja.
Daśledčyki ŭ ZŠA navučyli papuhajaŭ sazvońvacca pa videasuviazi. Padčas ekśpierymientu ptuškam davali płanšet, zatym pakazvali, jak naciskać na knopku zvanka i adkazvać na vyklik. Pry dapamozie haspadaroŭ papuhai dakranalisia da fatahrafii inšaj ptuški na ekranie płanšeta, kab patelefanavać joj.
Ptuški zrabili 147 uśviadomlenych zvankoŭ adna adnoj padčas daśledavańnia. Jany stali pavodzić siabie bolš sacyjalna: čaściej prycharošvacca, demanstravać «surazmoŭcam» svaje cacki, a niekatoryja navat navučylisia novym słovam i pieśniam ad sarodzičaŭ.
Ciapier čytajuć
«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie19
Kamientary
a ja mužykam kazała i kažu - u nas vielmi kampaniejski papuhajka - jon čachnie biez kampanii
ja im adrazu kazała - jamu b dziaŭčynku
a jany - jon tady nie budzie razmaŭlać
ehaisty (
što ŭ vyniku? jon sapraŭdy dobra vymaŭlaje zavučanyja frazy. ale kaža ich u asnoŭnym mnie. kali čuje moje hołas. tłumačeńnie muža, što papuhai lepš usprymajuć žanočy hołas
papuhajka ručny i vielmi razumny. i mužyki šmat ź im zabaŭlajucca) ale
ja adčuvaju, što jon usio roŭna markocicca (