На адным з англійскіх пляжаў з’явіўся мілы, але сумны мемарыял сабаку
Уладальніца сабакі, які памёр не так даўно, пакінула невялічкі мемарыял на пляжы Эксмут у графстве Дэвон — любімым месцы гадаванца.
16.06.2023 / 18:50
Жанчына паставіла на пляжы кранальную таблічку, на якой напісала «Найлепшаму з добрых хлопчыкаў. Рэксу падабаўся пляж, Рэксу падабаўся мяч. Калі ласка, не саромейцеся браць мячык для свайго сабакі, і я спадзяюся, што вам усім спадабаецца гэтае месца гэтак жа, як і нам. Спі спакойна, мой руды прынц».
Побач з подпісам было прылеплена фота чароўнага рудога сабакі, а побач стаяла вялікая каробка з мячыкамі для іншых сабак.
Фота мемарыяла апублікавала ў твітары Рада графства з подпісам «Выдатны жэст на Эксмут-Біч». У каментарах людзі адразу пачалі пісаць спачуванні гаспадарам сабакі, а некаторыя нават пішуць, што ўжо плануюць падарожжа на пляж разам са сваімі гадаванцамі.
Чытайце таксама:
Арт-калектыў MSCHF стварыў мікраскапічную копію сумкі Louis Vuitton OnTheGo
Самы аддалены паб Брытаніі прапанаваў бясплатнае піва тым, хто туды дойдзе
Папугая навучылі гаварыць, і ён паскардзіўся на боль у жываце