Прэзідэнт ПАР назваў 10 пунктаў мірнага плана па ўрэгуляванні канфлікту паміж Украінай і Расіяй
Прэзідэнт Паўднёва-Афрыканскай Рэспублікі Сірыл Рамафоса на прэс-канферэнцыі па выніках перамоў з прэзідэнтам Украіны Уладзімірам Зяленскім назваў 10 асноўных складнікаў мірнага плана афрыканскіх краін:
17.06.2023 / 09:27
Сірыл Рамафоса. Фота: Wikimedia Commons
- канфлікт павінен быць урэгуляваны мірным шляхам;
- перамовы аб міры мусяць пачацца як мага хутчэй;
- неабходна дээскалацыя з абодвух бакоў;
- павінна быць забяспечана суверэннасць дзяржаў і народаў у адпаведнасці са Статутам ААН;
- неабходныя гарантыі бяспекі для ўсіх краін;
- павінен быць забяспечаны рух збожжавых і ўгнаенняў абедзвюх краін;
- неабходна забяспечыць гуманітарную падтрымку пацярпелым;
- павінна быць урэгулявана пытанне абмену палоннымі і вяртання дзяцей;
- павінна быць забяспечана «пасляваеннае аднаўленне»;
- больш цеснае ўзаемадзеянне з краінамі Афрыкі.
Учора дэлегацыя кіраўнікоў краін Афрыкі наведала Кіеў, дзе сустрэлася з Уладзімірам Зяленскім. Сёння яна павінна наведаць Санкт-Пецярбург дзеля сустрэчы з Уладзімірам Пуціным.
Чытайце таксама:
Зяленскі афрыканцам: Ніякіх перамоў, пакуль расійскія войскі на ўкраінскай зямлі, не будзе
Вось чаму прапанова краін Афрыкі дае вялікую надзею Беларусі
Афрыканскія краіны прапануюць Украіне і Расіі спіс умоваў для перамоў. Там згадваецца і Беларусь