Афрыканскія краіны прапануюць Украіне і Расіі спіс умоваў для перамоў. Там згадваецца і Беларусь
Агенцтва Reuters атрымала доступ да непублічнага спіса папярэдніх умоваў, які дэлегацыя афрыканскіх краін скора збіраецца паказаць прэзідэнтам Украіны і Расіі «для ўмацавання даверу паміж імі». Адна з ключавых умоваў тычыцца расійскай ядзернай зброі ў Беларусі.
Дэлегацыя афрыканскіх краін, у склад якой увойдуць лідары Паўднёвай Афрыкі, Сенегала, Замбіі, Каморскіх астравоў і прэм'ер-міністр Егіпта, збіраецца ў найбліжэйшыя дні наведаць Кіеў і Санкт-Пецярбург для прапановы спіса «мер па ўмацаванні даверу» паміж Украінай і Расіяй для аблягчэння наступных мірных перамоў па спыненні вайны.
Як піша агенцтва Reuters, якое азнаёмілася са спісам, гэтыя папярэднія меры ўяўляюць сабой наступныя крокі:
- Вываз расійскай тактычнай ядзернай зброі з Беларусі.
- Вывад расійскіх войскаў з тэрыторыі Украіны (не канкрэтызуецца, ці з усёй тэрыторыі альбо толькі з часткі).
- Зняцце ордара на арышт Уладзіміра Пуціна, які быў раней ініцыяваны Міжнародным крымінальным судом за ваенныя злачынствы і злачынствы супраць чалавечнасці.
- Адмена санкцый супраць Расіі (зноў жа не ўдакладняецца, ці ідзе гаворка пра поўнае зняцце санкцый альбо толькі пра частковае).
- Безадмоўнае і бесперабойнае пагадненне па збожжы і ўгнаеннях паміж Украінай і Расіяй.
«Вышэйзгаданыя меры павінны быць скіраваныя на стварэнне ўмоваў, якія будуць садзейнічаць спыненню агню і ўмацаванню даверу паміж бакамі канфлікту для распрацоўкі стратэгій аднаўлення міру ва Украіне», — гаворыцца ў дакуменце са спісам мер ад афрыканскай дэлегацыі, які пакажуць прэзідэнтам Украіны і Расіі.
Нагадаем, што нядаўна лідары афрыканскіх краін анансавалі свой прыезд ва Украіну і Расію для распрацоўкі дарожнай карты спынення вайны, якая ставіць пад удар харчовую бяспеку Афрыкі праз парушэнне ланцужкоў паставак збожжа і ўгнаенняў.
Раптоўна памёр Уладзімір Усер — немалады актывіст, які ўляпаўся ў фільм БТ і шпіянаж у Польшчы29
Каментары
Якое дочіненне Афріка маеть до Інтэрмаріума ўвогулі? Як і ханьцы. Гэть уво своясі!
- вывезтi ЯЗ